Encûmena xwecihî ya Efrînê alîkarî ser şagirtan de belav kir
Komîta hawarçûnê di encûmena xwecihî ya navenda bajarê Efrînê alîkarî ser şagirt û xwendekarên Efrînê re belav kir .
Jêderek ji encûmena xwecihî ya Efrînê ji ARKê re ragihand ku komîta hawarçûnê di encûmena xwecihî de di çarçoveya du rojên bûrî de Yekşem û Şemiyê 21û 22\7\2018an alîkarî li ser dibistanên bajarê Efrînê belav kir û şagirtan sûd ji wê dîtin.
Jêdera taybet herwiha da zanîn ku alîkarî ji 2000 tûr pêk dihat têde şîr û xwarin û pêdiviyên zarokan hebûn û li ser dibistanên navenda bajarê Efrînê wek dibistana Fêsel Qedûr, Silêman Helebî, Itîhad, Meyselûn, û dibistanên taxa Mehmûdiyê û Eşrefiyê û Efrîna kevin û nû hat dabeşkirin û belavkirin.
Jêderê amaje bi wê yekê kir û got alîkarî ji Heyva Sor a Turkî hatibû pêşkêşkirin û xwendekarên xula havînê ji xelkê Efrînê û derbiderên Ereb sûd jê wergirtin ku ew xul wek qerebû û li şûna rojên şer hatiye vekirin .
Ji destpêka ragihandina encûmenên xwecihî yên ji bo rêveberina karûbarên welatiyên Efrînê û pêşkêşkirina xizmetgûzariyê hatine damezrandin ku heft encûmenin. Û tevî kûmbûn û lawazbûna piştgirî û piştevaniya wan lê bi karîn û şiyanên xwe yên kêm hewla pêşkêşkirina alîkariyan ji xelkê gund û navçe û navenda bajarê Efrînê re dikin.
Û tevî astengiyên berdewam ji girûpên çekdar ve lê ew li ser karê xwe rijd in û xwe li ser erdê sepandine û dirûşim û silogana wan banga vegerê ji bo Efrînê dikin da ku liv û tevgera girûpên çekdar tune bibe û Efrîn carek din bixemile û şên bibe.
968
