Şandek ji ENKSê seredana Dêra Meryem Elezra kir

ARK NEWS .. Piştî teqîna terorî ya ku bajarê Qamişlo yê Rojavayê Kurdistanê rûdabû ku têde ziyanên canî û madî hatin tomarkirin, duh 12/7/2019an şandek ji Encûmena Niştîmanî ya Kurdî li Sûriyê seredana Dêra Meryem el ezra ya Suryanî Arsazoksî li bajarê Qamişlo kir .

Şanda ENKSê ji her ji Dr Lezgîn Fexrî Endamê Polîtbîriya PDK-Sê û herdu Endamên Desteya Serokatiya encûmenê Fêsal Yûsiv û Silêman Oso û herdu Endamên Emîndariya Giştî ya ENKSê Celal Rîfaî û Endulbarî Xelef pêk dihat . Şanda ENKSê ji aliyê Mutranê suryanên ersezoks ya Cizîr û Firatê Mûrîs û Şemûn ji Encûmena Millî pêşwazî lê hate kirin.

Di seredanê de şanda ENKSê tekezî li ser peywendiyên malbatî û dîrokî navbera pêkhateyên herêma Cizîra Rojavayê kir, herweha piştgirî û hevgirtin û rawestandina xwe di rûbirûbûna terorê di her demekê de dane diyarkirin .

Di roja pênşema bûrî 11 Tîrmehê teqînek li bajarê Qamişlo taxa navebdî çêbû, têde hijmarek welatî birîndar bûn û ziyanek mezin hate tomarkirin. Di heman rojê de jî teqînek bihêz bajarê Efrînê li ser rêya Turindê çêbû, û bi dehan ji ereb û kurdan bûne qurbaî, herwiha li bajarê Hesekê jî tê teqînên cuda rûdan û hin welatî birîndar bûn û ziyanek madî gihişt sivîlan. Her sê teqîn bi tundî hatin şermezarkriin û bi Pênşema bixwîn hate binavkirin .

Ş.E

448