سەركردەیەك كوردێ سووریێ: سێ خالێن ناكۆكێن راستەقینە ل پێشییا ناڤچەیا ئارام هەنە و ل پێشییا ئەمەریكا دو بژاردە هەنە

سەركردەیەك كوردێ گۆت " ئەمەریكا هەولێن پەیەدێ ژبۆ ڤەگەرا رێژیما ئەسەد ژبۆ رۆژهلاتێ چەمێ فراتێ بەرئاڤێتی كر وئەمەریكا هەڤدیتنا دگەل پێكهاتەێن رۆژهلاتێ چەمێ فراتێ پێك تینە ب مەبەستا ئاڤاكرنا رێڤەبەرییەكە نوو د ناڤچەیێ دە.

ئەندامێ پۆلیبیرۆیا پارتیا دەمۆكراتا كوردستان – سوریا، الدكتور عبدالحكیم بشار، د گۆتارەكە خوە یا رۆژنامەڤانی دە راگهاند، هەتا نها چ لهەڤهاتنەك دناڤبەرا ئالیێن ناڤدەولەتی و هەرێمی یێن ئاكتیڤ د دۆسەیا سووریێ دە نینە ل سەر چاوەنییا پركرنا ڤالەهییا كو ڤەكشانا هێزێن ئەمەریكی ل سووریێ، بجه بهێلە. وهەورها ئەمەریكا پرۆژەیا پەیەدێ ژبۆ ڤەگەرا رێژیما ئەسەد ژبۆ ناڤچەیێن كوردستانێ ژی بەتال كر ژبەر كو ڤەگەرا رێژیمێ واتە بەرفرەبوونا پرۆژەیا ئیرانی و سەپاندنا هەژمۆنا وێ د سووریێ دە یە و ئەڤ یەك ژی ئەمەریكی رەد دكن.
هەروها الدكتور عبدالحكیم بشار دا زانین كو ئەمەریكا هەتا نها رێ نەدایە توركێ دەرباسی ناڤچەیا كو بریارە ئارام بە ،ببە، وهەولێن ئەمەریكی ژبۆ بەژداربوونا هێزێن ناڤدەولەتی مینا فرەنسا و بریتانیا بەردەوامن دگەل 200 لەشكەرێ ئەمەریكی كو بریارە بمینن د سووریێ دە ژبۆ پاراستنا ئاشتیێ ، لێ ئەڤ سیناریۆ هەمی راستی ئاستەنگیێن راستەقینە تێن.

بشار هەروها گۆت، لەوما پێڤاژۆیا بوویەران ل رۆژهلاتێ فراتێ هەتا نها زەلال نەبوویە، وهێژی دانووستاندنێن ئەمەریكی و توركی دەربارێ ناڤچەیا ئارام دە بەردەوامن وهەڤدیتنێن بەردەوام دناڤبەرا شاندەیێن هەردو وەلاتان دە چێ دبن، زانیاری هەنە كو هەردو ئالی رێكەفتنە دەربارێ ناڤچەیا ئارام دە، لێ هێژی ناكۆكێن بنگەهینی هەنە وخوە د سێ خالان دبنینن ئەوژی بەرفرەبوونا وێ ناڤچەیێ و كویربوونا وێ یە و كێ وێ رێڤەبەرییا وێ بكە ، و چارەنڤیسا چەكدارین پەیەدێ وێ چ بە؟

ئەمەریكا ب بەردەوامی پەیوەندی ب پێكهاتەێن ناڤچەیێ رە دكە و دناڤا وان دە ژی ئەنجوومانا نشتیمانیا كوردی ل سووریێ ب مەبەستا ئاڤاكرنا رێڤەبەریێە نوو ژ دەڤەرێ رە، وهەمی ئالیێ ل سەر رازی بن، لێ ئەڤ پرۆژە هێژی راستێ ئاستەنگیێن بەردەوام ژ ئالیێ پەیەدێ ڤە تێ و پەیەدێ چ هەڤپارییەكە راستەقینە ناپەژرینە ورژدە ل سەر پاراستنا هێزا خوە یا لەشكەری و ئەولەهی و تەنێ هنەك دەستهلاتێن لاوەكی بدە ئالی وپێكهاتەێن دن ، ئەو یەك دۆزا كوردی بەرئاڤێتی دكە وكوردان مینا كەمینەیەكە بێ ماف ددە نیشان دان، تەڤی كو كورد داخوازا مافێن خوە یێن دەستۆری دكە ل هەرسێ پارێزگەهێن رۆژهلاتێ چەمێ فراتێ وئەگەر وساب ە دێ هلبژارتێن بێ دە كوردان چ دەستكەفتێن باش نەبە وتەنێ خوەدێ دەستكەفتنە لاواز بن.

ئەندامێ پۆلیتبیرۆیا پارتیا دەمۆكراتا كوردستان – سوریا ، تەكەز دكە كو دڤێ بەژداربوونا ئەنجوومانا نشتیمانیا كوردی ل سووریێ، ب چەند مەرجان بە، 1- دڤێ رێڤەبەریا رۆژهلاتێ چەمێ فراتی و ئەولەهییا وێ چ شێوەیەكێ ئالتەرناتیڤێ مافێن دەستۆری یێن نەتەوا كوردی بە.

2- برینا تێكلیێن پەیەدێ وتەبەعیتا وێ ژ پەكەكێ رە وهەمی چەكدارێن پەكەكێ ژ رۆژهلاتێ چەمێ فراتێ دەرخینە .

3- لێپرسین وسزادانا هەمی تاوانبارێن پەیەدێ یێن كو دەستێن وان د تاوانێن ل دژی مللەتێ كورد دە هەنە، مینا لەشكەری كرنا زارۆك وتەرۆركرنا خەباتكار تێكۆشەرێن كورد وپێكئانینا كۆمكوژییان دەرهەقێ مللەتی كوردە و هەروها تاوانێن كو ل ناڤچەیێن عەرەبی ژی كری.
4- بەردانا هەمی گرتییان و دیاریكرنا چارەنڤیسا كەسێن رەڤاندی.

5- دابەشكرنا دۆسەیا رۆژهلاتێ چەمێ فراتێ بۆ سێ دۆسەیان ول هەر پارێزگەهەكێ تایبەتمەندییا وێ جوودا بكە ژ یا دن.

6- دەرباسبوونا پێشمەگەرێن رۆژ ژبۆ كوردستانا سووریێ ژبۆ كو ب ئەركێ خوە رابن و پاراستنا وێ بكن.

ر.ع

473