ناڤچەیا ئەولە وشرۆڤەیێن جوودا

ل گۆر زانیاریان دێ (ناڤچەیا ئەولە) ل سەر هێلا سنۆری دناڤبەرا توركیێ و هەرێمێن كوردی ل رۆژهلاتێ چەمی فراتێ بە ، سەرۆكێ ئەمەریكا دۆنالد ترامپ ، بەری چەند رۆژان راگهاندن بوو، لێ بێ كو شێوەیێ وێ بدە ناسكرن ب تایبەتی ژی ، ژ ئالیێ كی دێ ئاڤا بكە، وكی دێ رێڤە ببە ، لێ دانووستاندنێن دناڤبەرا ئەمەریكا وتوركیێ دە تێ كرن دیار دبە دێ ب هەماهنگی ب توركیێ رە ئەو ناڤچەیە بێ ئاڤاكرن و رێڤەبرن ، لێ تشتا بالكێش تێدە ئەوە رێژیما ئەسەد و رۆسیێ ل سەر نەرینا خوە رژدن كو دڤێ ئەو ناڤچە ڤەگەرە ژێر كۆنترۆلا رێژیما ئەسەدە و هەر پێشنیارەكی دن رەد دكن، تەڤی كو پەیەدێ ورێژیم ژ ئالییەكی ڤە دانووستاندنان دكە و رۆسیا وتوركیێ ژ ئالییەكی دن ڤە دانووستاندنان دكە ، ئەڤ یەك ژی مینا هەولدانەكێ یە كو باندۆرا وان ل سەر ئاڤاكرنا رێڤەبەریا وێ ناڤچەیێ كو دەولەمەندە ب نەفت وپەترۆل وسامانێن سروشتی هەبە.

هەڤدەمی وێ یەكێ، واشنتۆن پرۆژەیەیا (ناڤچەیا ئەولە) ژبۆ ئەنقەرا دەربارێ ناڤچەیا رۆژهلاتێ چەمێ فراتێ پێشكێش كربوو، دەما كو شێوەرمەندێ ئەولەهییا نەتەوەی یا ئەمەریكی ل كۆچكا سپی دە، جۆن بۆلتۆن، سەردانا توركێ كربوو. لێ توركێ ئەو پرۆژە نەپەژراند و ب تایبەتی ئەو مەرجێ ئەمەریكی یێ كو رێ ل پێشییا دەرباسبوونا هێزێن توركیێ بۆ رۆژهلاتێ چەمێ فراتێ گرت.

سێشەما بووری ژی، سەرۆكێ توركێ ، رجب تەیب ئەردۆغان، راگهاندن بوو دێ توركیێ وێ ناڤچەیا ئەولە ئاڤا بكە ل سووریێ ووەزیرێ دەرڤە یێ توركێ راگهاند، درییا دانووستاندنان رە ئەوێ بزانن نەرینا وان و ئەمەریكا دەربارێ ئاڤاكرنا ناڤچەیا ئەولە دە وەك هەڤە یان نا.

ل گۆر ژێدەران، جۆن بۆلتۆن، پلانا ئەمەریكا دەربارێ سووریێ دە ژبۆ توركێ شرۆڤەكربوو و ئیستراتیجیەتا ئەمەریكا ل سووریێ ئەوە شكاندنا "داعش" ودەرخستنا هیزێن ئیرانی و رێڤەبرنا پرۆسەیا سیاسی ل گۆرا بریارا ئەنجومانا ئەولەهی (2254) و هەروها ئەمەریكا دبینە رێڤەبەریا رۆژهلاتی چەمێ فراتێ ژئالیێ پێكهاتەێن دەڤەری بخوە ڤە وەرە رێڤەبرن و ئاڤاكرن و هێزێن خوەجهی پاراستنا وێ بكە ، هەر لگۆر ئەمەریكا دبینە، ئەو هێزێن خوەجهی ژ پێشمەرگەیێن رۆژ وهێزێن عەرەبی یێن هۆزێن عەرەبی ل ناڤچەیێ پێك تێ .

دەربارێ رۆلا توركیێ ، ئەمەریكا دبینە ، هێزین توركێ دكارە شەرێ "داعشێ" بكە وژخوە شەرێ داعشێ ئەركێ هێزێن ئەمەریكا یە هەتا چركەیا داویێ، ونابە توركێ چ پۆپەراسیۆنەكە لەشكەری یەك ئالی ل وان ناڤچەیان ئەنجام بدە بێ ئەمەریكا .

ر.ع

532