بەربهاری: پەكەكێ د بەر گرتنا دەریێ پێشخابوورێ دە بەرپرسە

آرك نيوز... ل پێش چاڤێن ئاسایشا پەیەدێ ب سەدان ژ چەتەێن جوانێن شۆرەشگەر یێن سەر ب پەكەكێ ڤە ئیریشی خالا سینۆری یا دەرگەهێ پێشابوورێ د ناڤبەرا هەرێما كوردستانێ و رۆژئاڤایێ كوردستانێ دە كر و وان تێكداران ب مۆلوتوڤ، دار چۆڤ و گەڤران ئێرشا خوە ئەنجام دا وهەول دان دەرباس ببن، د ئەنجامێ دە چەند زێرەڤان وهێزێن پاراستنا سینۆر ب توندی بریندار بوون و زیانەك گهشتن ئۆتۆمبێلێن ئاگرڤەمرداندێ.

ل سەر ڤێ مژارێ شوكت بربهاری بەرپرسێ خالا سنۆری یا پێشخابوور داخویانییەك بۆ رایا گشتی بەلاڤ كر تێدە راگهاند كو: دەما 3 مەھانە ب فەرمانا پەکەکێ دوو كۆن ل سەر خالا سنۆری یا سێمالکا یا ناڤبەرا ھەرێما کوردستانێ و رۆژئاڤاێ کوردستانێ دا ھاتنە دانین و رۆژانە ب دارێ زۆرێ خەلک تێدا تێنە کۆمکرن و ب بلندكرنا ئال و ھێمایێن پەکەکێ و ئاڤێتنا سلۆگان و دروشمان ل دژی ھەرێما کوردستانێ ئەو خەلک تێنە ھاندان سەرباری ھەموو كریارێن شەرفرۆشی یێن پەکەکێ، لێ بەلێ دیسا ژبەر بەرژەوەندییا گشتی و لبەرچاڤگرتنا رەوشا خەلکێ رۆژئاڤاێ كوردستانێ، وان خوە ئارام راگرت و تو کارڤەدان نیشان نەدان.

ناڤبووری د داخویانییا خوە ئانی زمان: جھێ داخێ یە رۆژا چارشەمێ 15 ی بەرچلەیێ پەکەکە ل ڤێ ئێکێ راونەەستیا و ب پیهری 100 کەسان ل بەر چاڤێ خەلکی و ئاساییشا پەیەدێ یا لسێمالکا، ب مۆلۆتۆف و کەڤران و ب رێیا پرا ناڤبەرا پێشابوور و سێمالکا ئێرش سەر خالا پێشابوورێ یا سنۆری كر و د ئەنجام ده ھەژمارەکا زێرڤانان ب دژواری بریندار بوون و جامێن ئۆتۆمبیلێن ئاگرڤەمراندنێ یێن خالا سنۆری شکاندن.

شوكت بەربهاری تەكەز كر كو مەبەستا پەکەکێ ژ ڤی کاری، تەنێ تێکدان و شێواندنا رەوشا ھەرێما کوردستانێ یە و ھەروەھا رێگریکرنە ل بەرژەوەندیێن گەلێ کورد ل رۆژئاڤاێ کوردستانێ یە. ژ بەر كو پێشابوور تاکە رێیا ھاتنوچوونا خووشک و برایێن رۆژئاڤایێ كوردستانێ یە و رێیا دابینکرنا بژێوا خەلکێ رۆژئاڤایێ کوردستانێ یە، لەورا پەکەکە ب ڤی کاری وگرتنا خالا سنۆری یا پێشابوورێ زیان گەھاندنە ب خەلکێ سڤیلێ ل رۆژئاڤ، و ھەر پەکەکە ژی بەرپرسە ژ راوەستانا ھاتنوچوونێ و گرتنا خالا سنۆری یە.

ش.ع

453