روونكرنەك ژ نڤیسگەها رۆژنەمەڤانی یا فازل میرانی
آرك نيوز...نڤیسگەها رۆژنەمەڤانی یا فازل میرانی سكرتێرێ مەكتەبا سیاسیا پارتیا دیموكراتا كوردستانێ رووكرنەك بەلاڤكر وئەڤەژی دەقێ روونكرنێ :
بەشێ توركی یێ ئاژانسا فورات نیۆز یا سەر ب پەكەكە ڤە نووچەیەك بەلاڤكریە كو برێز فازل میرانی سكرتێرێ مەكتەبا سیاسیا پارتیا دیموكراتا كوردستانێ بەشداری دجڤینەكێ دە ل گەل دەزگەها هەوالگریا توركیا " میت " كریە ل باژارێ دهۆكێ , ب مەبەستا ئامادەكرنا هێزەكی 200 كەسی كو جل وبەرگێن پەكەكە د بەر وان دەنە , وچەندین شوێن ودەزگەهێن هەستیار وەكە پۆلیس وئاساییش بكنە ئارمانج , ئەەوژی ژ بۆ لێدانا دەنگێ نەرازییا دهۆكێ وناڤچەیێن دن یێن كوردستانێ , وپشترە ب ڤێ بەهانەیێ بارەگەهێن پەكەكە وەرنە ئارمانجكرن.
وێرایێ ب دەرەو دەرخستنا ڤێ نووچەیێ , ب پێویست ئەم زانن كو روون بكن برێز فازل میرانی بەشداری د تو جڤینەكە ب ڤی جۆری نەكریە , وداخواز دكن كو ئەڤ ئاژانس هزرا مصداقیەتا خوە بكە , وئیدی خەلكێ ب نووچەیێن نەراست وبێ بنەما چەواشە نەكن .
نڤیسگەها رۆژنەمەڤانیا فازل میرانی
سكرتێرێ مەكتەبا سیاسیا پارتیا دیموكراتا كوردستانێ
408
