ئەنەكەسێ: "نوچەیا رووداوێ بەلاڤ كریە نەراستە"
آرك نيوز... دهستهیا سهرۆكاتیا ئەنجوومهنا نشتیمانی یا كوردی ل سووریێ, 9ێ گولانا 2020 دهربارێ نووچهیا كو كهنالا رووداو بهلاڤ كریه داخویانیهك دا, تێ ده ئەو نووچه دوور ژ راستیێ ب ناڤ كر.
داخویانیێ وها دهست پێ كریه: د 9ێ گولانا 2020, كهنالا رووداو نووچهیهك دوور ژ راستیێ ل سهر زارێ ژێدهرێن خوه بهلاڤ كر, د ناڤ نووچهیێ ده هاتیه كو پرۆژهیا نێزیكبوونا كوردی یا كو بالیۆزێ ئەمهریكی ئامهده كریه, ژ ئەنەكەسێ خوهستیە كو ژ ههڤپهیمانیا نشتیمانی یا ئوپۆزسیۆنا سووریێ ڤهكشه, و بارهگههێن خوه ژ بۆ سعوودیێ یان مسرێ ڤهگوهێزه.
د ڤێ دهربارێ ده, دهستهیا سهرۆكاتیا ئەنەكەسێ ب ههر شێوهیی به ڤێ نووچهیێ و یێن ل سهر زارێ بالیۆزێ ئەمهریكی هاتیه گۆتن, رهد دكه و دوور ژ راستیێ دهردخینه, و تهكهز دكه كو ئەنەكەسێ نه بریار ستاندیه نه ژی بریار د مژارێ ده گۆتووبێژ كریه, و نوونهرێن خوه د ڤان رۆژان ده دێ جڤینێن دهستهیا گشتی یێن تیلافێ ده, بهشدار ببن.
ئهنەكەسێ جارهكه دن تهكهز كر كو ههر كهد و كارهك ژ بۆ یهكههلوێستكرن و یهكرێزیا ناڤمالا كوردی چێ ببه, نابه دژبهر ژ تو ئالیهكێ د ئالیێن ئوپۆزسیۆنێ ده, لێ بهلێ دێ رۆلا كوردان د ناڤ ئوپۆزسیۆنا كو پشتگرە ژ پرۆسهیا سیاسی یا كو ل جنێفێ كار ژ بۆ دیتنا چارهیهكێ ژ كریزا سووریێ ره تێ كرن, بهێزتر بكه. ئەمهریكا ژی مانا ئەنكسێ د تیلافێ ده پشتگریا خوه دده دیاركرن.
د داویا داخویانیا خوه ده, دهستهیا سهرۆكاتیا ئەنەكەسێ ژ كارمهندێن رووداو خوهست كو ب راستیانە و زهلالی و هووری كار بكن, بهریا بهلاڤ بكن ژ ژێدهرێن خوه نووچهیان تهكهز بكن.
ش.ع
397
