تەڤی هەبوونا ناكۆكیان وەلاتێن ئەندامین  ناتۆ داخویانیا لەندەن راگەهاندن

تەڤی هەبوونا ناكۆكیان وەلاتێن ئەندامین ناتۆ داخویانیا لەندەن راگەهاندن

Dec 05 2019

آرك نيوز...لووتكەیا ناتۆ دوه چارشەمێ ل لەندەن پایتەختا بەریتانیا ب داوی , وسەرۆكێن وەلاتێن ئەندام د هەڤپەیمانیا ناتۆ دە كو ژمارەیا وان 29 سەرۆك ل سەر چەند خالەكێ رێكەفتن , وناكۆكی ژی كەتە ناڤبەرا وان دە .

سەرۆكێن وەلاتێن هەڤپەیمانێن ناتۆ ل سەر رووبرووبوونا مەترسیێن كو ژ ئالیێ رۆسیا وتەرۆرێ ڤە هاتنە هۆلێ رێكەفتن , وهەروەها دانپێدان ب مەترسیێ وەلاتێ صینێ ژی كرن كو هەژموونا وێ زێدە بوویە.

هەڤدەمێ كو رێكەفتن ناڤبەرا وەلاتێن ئەندامێن ناتۆ دە هەبوو , ناكۆكی ژی دەركەتن , ودۆنالد ترامپ سەرۆكێ ئەمریكا , جاستن ترۆدۆ سەرۆك وەزیرێن كەنەدا ب دو روو پەسنكر ئەوژی پشتی كو ترۆدۆ د ڤیدیۆیەكێ رە دەردكەڤە وگالتەیێ ب كۆنگرەیێ رۆژنەمەڤانیێ سەرۆكێ ئەمریكا دكە .

ووەكە كارڤەدان دۆنالد ترامپ سەرۆكێ ئەمریكا كۆنگرەیەك رۆژنەمەڤانی كو بریار بوو وەرە ل دارخستن , ل دارنەخست , ودەست ب جه بەرەڤ واشنتۆن ڤە برێكەت .

وسەرۆكێ فەرەنسا ئیمانوێل ماكرۆن كو بەریا نها راگەهاندبوو كو هەڤپەیمانیا ناتۆ مەژی مریە , گۆت كو ئاستەمە وەلاتێن هەڤپەیمانیا ناتۆ ل گەل توركیا بگهنە رێكەفتنێ , ژ بەر پێناسەیا وەلاتێن هەڤپەمانیا ناتۆ وتوركیا ژ تەرۆرێ ژ هەڤ جودایە .

ورەجەب تەیب ئەردوغان گەفا ژ كارخستنا پلانا بەرەڤانیا بەلتیق كر ئەگەر وەلاتێن هەڤپەیمانیا ناتۆ هێزێن یەپەگە ب تەرۆرست نەناسێنن .

تەڤی هەبوونا ناكۆكیان وەلاتێن هەڤپەیمانیا ناتۆ كارین داخویانیا لەندەن رابگهێنن وتوركیا تەنازول ژ تێبینیێن خوە كر , ئەوژی پشتی كو دۆنالد ترامپ سەرۆكێ ئەمریكا ب جودا ل گەل رەجەب تەیب ئەردوغان سەرۆكێ توركیا جڤیا

د داخویانیا ناتۆ دە هاتیە كو د هەستیارترین دەم دە هەڤپەیمانیا ناتۆ ب هێزترین هەڤپەیمانیا , وگەلێن وان ب ئارامی دژین .

ناتۆ د داخویانیا خوەدە تەكەزی ل سەر بەردەوامیا پەیوەندیان ل گەل رۆسیا كر ئەگەر رۆسیا د ئیستراتیجی وسیاسەتا بەلاڤكرنا مووشەكێن كیماوی راوەستینە , وئەلمانیا وفەرەنسا داخواز ژ وەلاتێن هەڤپەیمانیا ناتۆ كرن كو ئیستراتیجیەتا خوە نەگوهارن وراوێژكاریێ ب پسپۆران دەربارێ سیاسەتا پێشەرۆژێ یا ناتۆ بكن .

107