واشنتۆن پۆست: چەكدارێن سەر ب توركیا ڤە ل گرێ سپی وسەرێ كانیێ تاوان ئەنجامدانە
آرك نيوز...ژ دەما ئێریشا توركیا وگرووپێن ب سەر ڤە بۆ سەر رۆژئاڤایێ كوردستانێ وهەتا وەكە ئیرۆ , بەردەوام راپۆرتێن تایبەت ب بنپێكرنێن گرووپێن چەكدار تێنە بەلاڤكرن , ورۆژنامەیا واشنتۆن پۆست گۆت كو گرووپێن چەكدار یێن سەر ب توركیا ڤە بەردەوام تاوانان ئەنجام ددن .
رۆژنامەیا واشنتۆن پۆست ب پشت گرێدان ب نەتەوێن یەكگرتی راپۆرتەك دەربارێ بنپێكرنێن گرووپێن چەكدار كو ل هەردو باژارێن سەرێ كانیێ وگرێ سپی ئەنجامدانە بەلاڤكر وگۆت كو ژ دەما كو ئیریشا توركیا بۆ سەر رۆژئاڤایێ كوردستانێ دەستپێكریە , بهتر ژ 200 هەزار كەس دەربدەر وپەنابەر بوونە.
هەروەها رۆژنامەیا واشنتۆن پۆست دازانین كو گرووپێن سەر ب توركیا ڤە د بنپێكرنان دە بەردەوامن , وچەندین كریارێن ب دارڤەكرن , لێدان , رەڤاندن , بنچاڤكرن , دزی , دەستەسەركرنا مال وملكێن وەلاتیان ئەنجام دانە .
وەكە د راپۆرتا رۆژنامەیا واشنتۆن پۆست دە هاتیە , ئەڤ كریارێن دەرحەقێ خەلكێ هەردو باژارێن سەرێ كانیێ وگرێ سپی دە تێنە ئەنجامدان , جینۆسایدە , ومەبەست ژ ڤان كریاران ڤالەكرنا ناڤچەیێ ژ كوردێن رەسەنە , ونێشتەجێكرنا عەرەبێن سەر ب توركیا ڤە ل ناڤچەیێ.
د نەهێ جۆتمەها بووری دە توركیا وگرووپێن ب سەرڤە ئێریشی رۆژئاڤایێ كوردستانێ كرن , ودئەنجاما ئێریشێ دە ب سەدان هەزار دەربدەر بوون , وب هەزاران پەنابەر بوون , وهەردو باژارێن گرێ سپی وسەرێ كانیێ ژ خەلكێ هاتنە ڤالەكرن , وكەتنە بن دەستێ توركیا وگرووپێن ب سەرڤە .
تەڤی ئیمزەكرنا دو رێكەفتنان دەربارێ راوەستاندنا ئێریشا توركیا , لێ هینا شەر وپەڤچوون ناڤبەرا هێزێن توركیا وچەكدارێن ب سەرڤە ژ ئالیەكی ڤە وهێزێن هەسەدە وچەكدارێن رژێما ئەسەد بەردەوامە , ورۆژانە كوشتی وبریندار دكەڤن .
244
