رێخستننە جڤاكا سڤیل یێن كوردی بیرنامەیەك دەربارێ كۆمیتەیا دەستووری یا سووریێ بەلاڤكرن
هەژمارەك رێخستنێن جڤاكا سڤیل یێن كوردێن رۆژئاڤایێ كوردستانێ كو لهەولێرێ دمینن دوه جڤینەك دەربارێ كۆمیتەیا دەستووری یا سووری لدارخستن و نەرازیبوونا خوە دەربارێ رێژەیا كێم یا نوونەرێن كورد یێن جڤاكا سڤیل دناڤا گرووپا جڤاكا سڤیل یا كۆمیتەیا دەستووری یا سووریێ دە نیشان دان.
د داویا وێ جڤینێ دە وان رێخستنان بیرنامەیەكە نەرازیبوونێ بۆ نەتەوەیێن یەكگرتی شاندن كو تێ دە داخوازا نوونەراتیەكە دادوەرانە ژبۆ كورد و هەموو پێگهاتەیان دناڤا گرووپا جڤاكا سڤیل دە كرن هەروەها داخواز كرن كو لهەڤكرن ئانگو تەوافق وەكە پرەنسیپەكە سەرەكە بە د كارێ كۆمیتەیێ دە و داخواز كرن جارەكە دن گرووپا جڤاكا سڤیل وەرە نرخاندن.
دناڤا كۆما پێنجی نوونەرێن جڤاكا سڤیل یا كۆمیتەیا دەستووری یا سووریێ دە تەنێ دوو ئەندامێن كورد هەنە، كو بەریا راگهاندنا وێ كۆمیتەیێ بەحسا هەژمارەكە بهتر ژ ئەندامێن كوردی دناڤا كۆمیتەیێ دە دهات كرن.
د بیرنامەیا رێخستنێن جڤاكا سڤیل دە هەروەها هاتیە كو جودامەندی و جێوازی د هلبژاراتنا ناڤان دە تێ واتەیا كوشتنا دیمەنا سڤیل د جڤاكێ دە، هەروەها گۆتن گەرەك هشیاری هەبە ژ وێ یەكێ دەما كو لگۆری بەرژەوەندیا سیاسی، مژارا جڤاكا سڤیل تێ بەرجاڤبرن، چ ژ ئالیێ ئالیێن سیاسی ڤە بە یان ژی ژئالیێن هەرێمی ڤە بە، نەخاسم د مژارا جڤاكا سڤیل دە.
جڤاتا وان رێخستنان ژ ئالیێ رێخستنا بەرچاڤ یا راگهاندن و ئازادیان ڤە هات لدارخستن
كۆمیتەیا دەستووری یا سووریێ ژ سێ بەشان پێك تێ، رێژیم، ئۆپۆزسیۆن و جڤاكا سڤیل، و بریارە رۆژا 30ێ مەها بێ لجنڤیێ جڤینا خوە یا یەكەم لداربخن.
300
