رۆنیەك لسەر دیرۆكا پارتیا دیموقراتا كوردستان سووریا
وەكە ئیرۆ د چاردەهێ حزێرانا سالا 1957ان پارتیا دیمقراتا كوردستان سوریا وەكە یەكەمین پارتیا كوردی سیاسی ل سووریێ ل سهر دهستێ ههژمارهك ژ خهباتكار و رهوشهنبیرێن كورد، د سهرێ وانده نورهدین زازا هاتیه ئاڤاكرن.
ب وێ یهكێ خهباتا سیاسێ ل روژ ئاڤایێ كوردستانی دهست پێ كر و داخوازیێن گهلێ كورد و مافێن وان ب شیوهیهكی سیاسێ كهته د گورهپانا سیاسێ ده ل ورۆژئاڤاێ كوردستانێ، و بوو سهدهم كو ههبونهكه وێ جهماوهریی بهیز دروست ببه و وهلاتێین روژئاڤایێ كوردستانێ خوه ل دۆرا پارتیا دیمقراتا كوردستان سوریا بدن ههڤ تا كو خهباتا سیاسێ بههڤره بكن.
ژبەر كار و خەباتێ، پارتی و ئەندام و سەركردە و ئالیگرێن خوە ژ ئالیێ رێژیمێن سووریێ ڤە راستی گرتن و ئاستەنگرن و فشارێ دهاتن، تەڤی وێ یەكێ ژی تا وەكە ئیرۆ پەدەكەسە كاری خوە بپارێزە و د كار و خەباتا خوە دە بەردەوام بە.
د سەرهلدانا دۆزدههێ ئادارا سالا دوههزار و چاران كو د ئهنجامێ ده 35 وهلاتیێن كورد شههیدبوون ههروهها ب ههزاران ژ ئالیێ ئهولهكاریا رژیمێ ڤه هاتن گرتن و زینداندكرن، پارتی ژی تهڤلی وێ سهرهلانێ بوو و د ههمان دهمێ ده د لڤ و تهڤگهرا دبلۆماسی جهماوهری ده بهردهواموو..
پارتی ههروهها د وێ قوناغێ ده تهكهزی ل سهر یهكرێزیا تهڤگهرا كوردی, دووركهتن ژ ڤهگوههستنا ململانیا ب رژیمێ ره بهرهڤ شهرهكی كوردی عهرهبی, ههروهها ئالیكاریا بریندار و مالباتێن پاكرهوانان و ئالیكاریا خوهندهكارێن كو ژ زانینگههێن سووریێ هاتن دوورخستن كر.
پشتی دهستپێكرنا شۆرهشا سووریێ د سالا دوههزار و یازدههان ده, رژیما ئهسهد بانگ ل پارتیێن كوردی یێن رۆژئاڤایێ كوردستانێ كر دناڤ ده پارتی ژی ژبۆ جڤین و لههڤكرنێ دهربارێ رادهستكرن و وهرگرتنا هن ناڤچهیان ههروهها ههڤكاری و پشتهڤانیا رژیمێ لێ پارتی ئهو یهك رهد كر و پشتی وێ رهدكرنێ, رژیمێ ئهو یهك ل ملێ پارتیا یهكیتیا دیموقراتیك پهیهدێ باسكێ پهكهكێ ل سووریێ سپارت وهن ناڤچه رادهستێ وێ كرن و پهیهدێ ژی دهست ب بجیكرنا ههمان كریارێن رژیمێ لدژی تهڤگهرا سیاسی یا كوردی ل سووریێ كر..
د سالا دوههزار و یازدههان ده ئهنجومهنا نشتیمانی یا كورد ل سووریێ كو ژ ههژمارهك پارتی و رێخستنێن رۆژئاڤایێ كوردستانی پێك دهات، هات ئاڤاكرن، پارتی ژی یهك ژ دامهزرێنهرێن ئهنجومهنا كوردی بوو.
پشتی رهوشا سووریێ تهڤلیههڤتربوو و شۆرهشا سووریێ ل پرانیا سووریێ بهلاڤبوو, ههژمارهك رێكهفتن دناڤبهرا ئهنجومهنا نشتیمانی یا كورد ل سووریێ و تهڤگهرا جڤاكا دیموقراتیك تهڤدهم كو بسهر پهیهدێ ڤه یه ب سهرپهرهشتیا سهرۆك مهسعوود بارزانی هاتن ئهنجامدان مینا ههولێر یك و دوو و رێكەفتنا دهۆكێ، لێ ئهو ههموو رێكهفتن ژی نهچوون سهری و پهیهدێ خوه ب زۆرا چهكان و ب ئالیكاریا رژیمێ ل ناڤچهیێن رۆژئاڤایێ كوردستانێ فهرزكر و سیاسهتێن خوه یێن گرتن و رهڤاندن وسزا و بریارێن خوه تهنێ لسهر ملهتێ كورد و سهركردهیێن وی نهخاسم یێن ئهنجومهنا نشتیمانی یا كوردی ل سووریێ سەپاندن، ب تایبهتی ژی لدژی پارتی..
د سالا دوههزار و دۆزدههان ده پهیههدێ ئهندامێ پۆلیتبیرۆیا پارتیا دیموقراتا كوردستان سووریا بههزاد دۆرسن رهڤاند و تا نها ژی چارهنڤیسا وی نهدیاره...
ههروهها چهكدارێن پهیهدێ ئهندامێ پۆلیتبیرۆیا پارتی ل چل ئاغا نسرالدین برهك تهرۆركرن, و بهردهوام سهركردهیێن پارتی درهڤینه و زیندان دكه، كو تا نها ژی ههژمارەك ئەندام و ئالیگرێن پەدەكەسە كو ژ ئالیێ پەیەدێ ڤە هاتبوون رەڤاندن خوەدی چارەنڤیسەكە وندایی نە.
و نها ژی ل رۆژئاڤایێ كوردستانێ ژبهر كار و خهباتا پهدهكهسێ، ههموو ئۆفیسێن وێ لگهل ئۆفیسێن ئهنهكهسێ و پارتی و رێخستنێن وێ ژ ئالیێ پهیهدێ ڤه گرتی نه.
ل سەر ئاستا هەرێمی و ناڤدەوەلتی و ل سەر ئاستا دانوستاندنان ناڤبەرا ریژیم و ئۆپۆزسیۆنا سووریێ پەدەكەسە كاری خوە فەرز بكە و دۆسیایا كوردی دانە لسەر ماسا گفتۆگویان یا ناڤدەوەلتی، و ببە خوەدی لڤ و تەڤگەرەكە سیاسی دپلۆماسی بهێز.
352