Cerablus .. Welatiyekî sivîl di bin eşkenceyê de jiyana xwe ji dest da
ARK NEWS .. Li bajarokê Cerablus yê Rojlilatê Helebê ku ew bajarok di bin destê Turkiyê û çekdarên Mertala Feratê de ye, welatiyekê sivîl di zîndana polîsên leşkerî de di bin eşkenceyê de jiyana xwe ji dest da .
Li gor çalakvanên bajarê Humsê Duşemê 4/1/2019 ragihand ku welatiyê bi navê Muhened Diyab EL Qasim beriya çend rojan li zîndaneke polîsên leşkerî li bajarokê Cerablusê jiyana xwe ji dest da û termê wî di 1ê Sebatê de ji bo kesûkarên wî li bajarê Efrîna Rojavayê Kurdistanê hat radestkirin .
Heman jêderan ragihanin ku Muhened Diyab El Qasim xelkê gundê telef yê parêzgeha Humsê ye, û ji aliyê rêjîma Esed ve dihat xwestin û karîbû xwe ji nav lepên rêjîmê rizgar bike, lewma berê xwe da herêmên di bin destê oposizyonê li Bakurê Helebê, û li wê derê jî di 21ê Çileya vê salê bi destê polîsên polîsên leşkerî yên ser bi çekdarên Mertala Feratê de hat binçavkirin û di zîndanê wan de jiyana xwe ji dest da.
Çalakvanan perçevîdyoyek li ser torên civakî belav kir tê de diyar dibe bi şêweyekî tund hatiye lêdan û eşkencedan ku di demên borî de ji kêmtir ji mehekê dibe seyem rewş li Bakurê Sûriyê di bin eşkenceyê de têne tomarkirin .
Ji aliyê xwe ve rêveberiya polîsên leşkerî komîteyek ji efseran damezrand da ku mijara Muhend Qasim bişopîne û soza sizedana kujeran û her kesekî tawan li ser tê sepandin û şandina wan bo dadgehê da .
Ş.E
510
