ENKSê bi tundî revandina 2 endamên xwe ji aliyê PYDê ve şermezar dike

Emîndariya Giştî ya Encûmena Niştîmanî ya Kurd li Sûriyê (ENKS) revandina du endamên xwe ji aliyê çekdarên PYDê ve şermezar kir û daxwaz ji Hevpeymaniya Navdewletî kir ku rêgirtinê li binpêkirinan û fişarê ji bo serbestberdana revandiyan bike.

Duh, di daxuyaniyekê de, Encûmena Niştimanî ya Kurd li Sûriyê bi tundî revandina du endamên Partiya Demokrata Kurdistan - Sûriya (PDK-S) ji aliyê çekdarên PYD ve şermezar kir.

Diyar kir, ku Ebdilrehman Şengê, endamê encûmena herêmî ya PDK-Sê, di şeva 6ê Hezîranê de li gundê Tepkê yê gundewarê Dêrikê hat revandin.

Û Xalid Mîro, endamê encûmena şaxî ya PDK-Sê, di şeva 9ê Hezîranê de li bajarê Dêrikê hat revandin.

Encûmena Niştîmanî ya Kurd li Sûriyê got ku çekdarên PYDê di ber van binpêkirinan berpirsiyar e û daxwaza serbestberdana bilez ji revandiyan re kir.

Serbar kir, "Em daxwazê ji Hevpeymaniya Navdewletî bi serkirdayetiya Emerîkayê dikin ku hemû karê pêwîst bike daku rêgirî li van binpêkirinan were kirin û fişarê ji bo serbestberdana revandiyan bike".

Ji despêka meha Nîsanê ve, çekdarên PYDê di revandina endamên ENKSê de berdewam e û ta niha çarenivîsa wan ne diyar e.

125