Xwepêşandan li dijî Rêjîma Sûrî berdewam in
Xwepêşandanên li dijî rêjîma Sûrî li parêzgeha Siwêdayê li başûrê Sûriyê derbasî meha Sêyem dibin û her ku diçe berfireh dibin û hemû çîn û tiwêjên deverê tê de beşdar dibin.
Îro Înê, 17ê Mijdara 2023yan, bi sedan welatiyên Siwêdayê xwepêşandaneke navendî li qada Elkerama li dar xist û banga rûxandina Rêjîma Sûrî kir, her weha şandek ji “Kombûna Hunermendan li Siwêdayê” û “kombûna Çalakiyên Aborî” tev lê xwepêşandanê bûn û banga guhertina siyasî kir.
Xwepêşanderan siloganên wek: “gel hilweşandina Rêjîmê dixwaze”, “2254” û “Ez Sûrî me ji mafê min e ez bi aştî û azadî bijîm” hildan û banga Sûriyeke demoqrasî dûr ji necadperestiyê li ser bingeha Ol ji Xwedê re û welat ji hemûyan re kir.
Hefteya borî jî, Bi sedan xwepêşander ji hemû deverên Siwêdayê gihiştin qada Elkerama û xwepîşandaneke navendî li dar xist.
Welatiyên Siwêda û bajarokên derdorê li dijî xirabûna rewşa aborî di Tebaxa borî de dest bi xwepêşandanan kirin, piştre asta daxwazan bilind bû û banga rûxandina Rêjîmê, bicîkirina biryara 2254 ya Netewên Yekbûyî, û serbesberdana girtiyan kir.
279
