Bi beşdarbûna hemû tiwêjan.. Xwepêşandan li Siwêdayê berdewam in
Xwepêşandanên li dijî rêjîma Sûrî li parêzgeha Siwêdayê li başûrê Sûriyê di heftiya yazdehan de berdewam dikin û her ku diçe berfireh dibin û hemû çîn û tiwêjên deverê tê de beşdar dibin.
Di roja 85an de, îro Înê, 10ê Mijdara 2023yan, welatiyên Siwêdayê xwepêşandaneke navendî li qada Elkerama li dar xist û banga rûxandina Rêjîma Sûr kir, her weha şandeke ku ji komeke bijîşk, dermansaz û karmendên beşê tenduristiyê pêk dihat, gihişt qada Elkerama û banga guhertina siyasî kir.
Xwepêşanderan siloganên wek: “2254”, “Serxwebûn bi derketina dagirkeriya Îranê dest pê dike” û “Şoreş ta serkeftinê” hildan û banga Sûriyeke demoqrasî dûr ji necadperestiyê li ser bingeha Ol ji Xwedê re û welat ji hemûyan re kir.
Hefteya borî jî, Bi dehan ciwanên Suweydayê bo cara duyem dergehên avahiya şaxê Partiya Elbe`s li bajarê Siwêdayê daxistin.
Welatiyên Siwêda û bajarokên derdorê li dijî xirabûna rewşa aborî di Tebaxa borî de dest bi xwepêşandanan kirin, piştre asta daxwazan bilind bû û banga rûxandina Rêjîmê, bicîkirina biryara 2254 ya Netewên Yekbûyî, û serbesberdana girtiyan kir.
232
