Çekdarekî Ehfad Elresol gefa serjêkirina welatiyekî kurd dide
Girûpeke çekdar li Efrînê gefa serjêkirina welatiyekî Kurd dide eger malbata wî pereyan nede wê girûpê
Di girtevîdyoyekê de , çekdarekî rûnuximandî yê girûpa bi navê Ehfad Elresûl ku yek girûpên çekdar yên li Efrînê ye , û gundê Bedîna yê navçeya Mabeta kontirol dike , kêrê datîne ser stûyê welatiyê Kurd yê bi navê Xesan Hesen Fewzî û daxwaza Deh melyon lêreyên Sûriyê li malbata wî dike li jêr gefa serjêkirinê eger wan pereyan nedin.
Xesan bi xwe xelkê gundê Bedîna yê navçeya Mabeta ya Efrînê ye , ji dayîkbûyê 1975an e û bavê Sê zarokan e , û bi bihaneya girêda Xesan bi PYDê ve , wan çekdaran ew revand û molet ta dawiyê Eylûnê dane malbata wî eger Deh melyonan nedin û li jêr gefa serjêkirinê .
Li gorî agahiyan ku girûpa Ehfad Elresûl êrîşî mala Xesan kir û ew girtin , Sê melyon lêreyên Sûriyê û zêr û kelûpelên nav dukana wî ya parçeyên otombêlên jî birin.
Malbata Xesan ji aliyê xwe ve gilî li cem serkirdayetiya wê girûpê herwiha li cem artêşa Turkiyê kiriye û ta niha tu bersiv derbarê çarenivîsa Xesan wernegirtine.
Bûyerên sitandina pereyan weke meric ji bo serbestberdanê herwiha weke meric ji bo vegera mal û mulkan yan ji bo veger bo malên xwe ji aliyê girûpên çekdar ve li Efrîn û gundewarên wê gelekî berbelav bûye , û welatî jî ji ber wan kiryar û binpêkirinên rastî astengî û metirsiyê tên.
601
