Teqînek bajarê Efrînê hejand

ARK NEWS .. Di çarçoveya 14 rojan de Sê teqînên bi hêz navenda bajarê Efrînê hejand ku di encam de şehîd birîndar û ziyanek mezin gihişt mal û milkên welatiyên Efrînê û ya herî dawiyê şeva Pêncşemê roja Çarşemê 29/8/2018 bû .

Jêdereke taybet ji nava bajarê Efrînê ji ARKê re ragihand ku teqînek bi hêz navenda bajêr hejand ku li ser riya Raco nêzîk Nanpêjgeha Ebû Imad li cem dibistan Rêfiyê û Fêsel Qedûr bû, di encama wê teqînê hijmarek welatî bûne qurbanî û ziyanek mezin gihişt malên welatiyan .

Jêderê amaje bi wê yekê kir û got ku qurbaniyên teqîna demijmêr derdora Nehê şevê rûda bû ji derbiderên ereb bûn û dengê otombêlên hawarçûnê dihate bihîstin û birîndar berev Turkiyê dihatin şandin.

Di Yekem roja cejna Qurbanê de 21/8/2018 teqînek wiha demijmêr 8.20 rûda bû û ew jî li ser riya Raco li navenda bazar nêzîk Dermanxaneya Haşim çêbû û di encama wê de birînda hebûn û ziyanên madî hatibûn tomarkirin.

Di 15/8/2018 teqînek bi hêz li serê Dibistana Fêsel Qedûr ew jî ser riya Raco nêzîk dewera Newroz demijmêr 11.4 xulekan de çêbû û ziyan bi tenê madî bû û tu kes rastî ziyanê ne hatibû.

Di 15 heyva Tebaxê de û ta 29ê heman heyvê ango di çarçoveya 14 rojan de Sê teqîn li navenda bajêr hatin rûdan û ta niha ne hatiye diyarkirin ku kîjan alî bi van teqînan radibin û mebesta wan çi ye.

Ş.E

523