Nêçîrvan Barzanî: Gelê Kurdistanê qet dilsozî û piştevaniya John McCain jibîr nake
Bi boneya koça dawî ya Senator û siyasetmedarê Amerîka John McCain, Serokwezîrê Herêma Kurdistanê Nêçîrvan Barzanî peyamek belav kir û tê de got ku McCain diostekî dilsoz ê gelê Kurd bû.
Senator û siyasetmedarê navdarê amerîkî û dostê Kurdan, John McCain îro yekşmê di temenê 81 saliyê de koça dawî kir.
Ev jî tekesta wê peymê ye:
“Koça dawî ya siyasetmedarê hêja û kesayetiya navdar ê Amerîka û dostê dilsoz ê gelê Kurdistanê John McCain ez xembar kirim. Bi vê boneya nexweş ez ji dil sersaxiyê ji malbat û dostê McCain re dixwazim û ji wan re dibêjim ez hevxem im bi we re. Ji Xwedayê mezin lavakarim ku rehma xwe li McCain bike û cihê wî bike buheşt.
Ji gelê Kurdistanê re jidestdana birêz McCain ziyaneke mezin bû. Ji ber ku ew dostekî dilsoz ê gelê Kurdisanê bûye û xemxûr û parêzerekî dijwar bû bo mafê Kurdan. Berdewam bergirî dikir li mafên gelê Kurdisanê û hewl dida Kurd bighên mafên xwe. Gelê Kurdistanê qet dilsozî û piştevaniya birêz McCain jibîr nake û dê her rêzê li wî bigre.
Rihê wî şad be
Nêçîrvan Barzanî
Serokwezîrê Herêma Kurdistanê”
452
