Mesrûr Barzanî daxwaz ji xelkê Kurdistanê kir: Bila hilbijartin biser bikevin
Şêwirmendê Encûmena Asayişa Herêma Kurdistanê Mesrûr Barzanî bi boneya hatina Cejna Qurbanê peyamek belav kir û tê de daxwaz ji aliyên siyasî û xelkê Kurdistanê kir ku proseya hilbijartina Parlemantoya Kurdistanê bi vîneke niştimanî biser bixin.
Mesrûr Barzanî ji bilî pîrozkirina li malbatên serbilind ên şehîd û Pêşmergeyên Qehreman û dezgehên ewlehiyê û mislimanên Kurdistanê û cîhanê, di peyama xwe de daxwaz ji xelk û aliyên Kurdistanî dike, proseya hilbijartina Parlemantoya Kurdistanê bi vîneke niştimanî biser bixin, ku biryar e 30î Îlona îsal birêve biçe.
Di peyama Şêwirmendê Encûmena Asayişa Herêma Kurdistanê Mesrûr Barzanî wiha hatiye: “Bi hatina Cejna Qurbanê, pîrozbahî li malbatên serbilind ên şehîd û Pêşmergeyên qehreman, dezgehên ewlehiyê û Mislimanên Kurdistan û cîhanê pîroz dikim, hêviya cejneke aram ji her aliyekî re dixwazim.”
Herwiha Mesrûr Barzanî dibêje: “Her bi vê boneyê, daxwaz ji xelk û aliyên Kurdistanî dikin, proseya hilbijartina Parlemantoya Kurdistanê bi vîneke niştimanî biser bixin, bo li kêleka hewlan bibe sedemeke din ji aramî û pêşketina welatê me û bidestxistina wan armanc û hêviyên ku xelkê Kurdistanê çaverêyî wan in.”
373
