Berpirsek: Heya Mûsilê ji aliyê artêşa Iraqê û Pêşmerge ve neyê parastin, dê rewş xerabtir bibe û DAIŞ bihêz bibe
ARK NEWS... Berpirsê PDKê li Mûsilê Elî Xelîl ragihand ku DAIŞ li Mûsilê bihêz bûye û eger rewş wisa berdewam be dê bihêztir bibin û êrîşên xwe bînin nava bajarê Mûsilê jî.
Elî Xelîl ji malpera PDKê re ragihand: “DAIŞ li parêzgeha Mûsilê heye û berdewam zêde dibin, rêxistinên xwe bihêz dikin û girûp ji nava xwe çê kirine û peywendiya wan ligel şaneyên veşartî yên li nava Mûsilê heye. Êdî bihêz bûne ku dikarin êrîşan bikin û ziyanê bighînin. DAIŞ li Mûsilê her maye û ji nav neçûye û ew çekdarên wê yên berê hîn mane.”
Xelîl wiha got: “Gelek hêzên cuda yên Iraqê li Mûsilê hene, lê ti hevahengî di navbera wan de tune ye û bi hev re ti pilanekê danaynin. Mûsil tije milîs bûye, Lewma DAIŞ li Mûsilê bihêztir bûye. Heya derdora Mûsilê ji aliyê artêşa Iraqê û bi hevahengî li gel Pêşmerge neyê parastin, dê rewşa Mûsilê xerabtir bibe û baştir nabe.”
Elî Xelîl wiha got: “Ew hêzên xerîb ên li Mûsilê, gerek werin derxistin, ji ber ku ew ji bo bazirganiyê û guhertina demografiya Mûsilê hatine, ne ji bo parastina xelkê, lewma rewşa wisa berdewam be dê DAIŞ bihêztir bibe û dê karên terorîstî mezintir bikin, û dê destê wan bighê nava bajarê Mûsilê jî. Lewma divê çareseriyek ji vê rewşê re bê dîtin, ji ber ku niha li sînorê Mexmûrê DAIŞ dexl û danê cotyaran dişewitîne.
Malpera PDKê
392
