Serok Barzanî pîrozbahî li zanayê kurd Koçer Bîrkar kir
Piştî bidestxistina zanayê kurd Koçer Bîrkar ji xelata Fêdils ya cîhanî Serok Mesûd Barzanî di peyamekê de pîrozbahî lê kir û ragihand, “ez yek ji çil milyon Kurd im ku gelekî bi serkeftina te dilxweş û şanaz im û hêviya serkeftin û pêşketina zêdetir ji bo te dixwazim.”
Peyama Serok Barzanî :
“Birêz Kak Koçer Bîrkar
Bi keyfxoşiyek mezin ve me nûçeya serkeftina we ya mezin bihîst ku, we xelat di wareke giring û zihmet a zanistî de ku bîrkarî (matematik) e, bidest xist.
Bêguman hêvî û armancên we pêk hatin û ev serkeftina we dilê hemû gelê kurd xweş dike û ez yekemîn kes im ji wî 40 milyon kurdê ku ji vê serkeftinê keyfxweş û pê serbilind im û hêviya serkeftin û pêşketina zêdetir ji bo we dixwazim.
Cihê keyfxweşiyek mezin e ku ciwanekî Kurd bikare ji aliyê zanistî ve pêşbirkê li gel zanayên cîhanê bike û xelata navnetewî bidest bixe. Hêvîdar im Kak Koçer bibe pêşeng û mînakeke bilind bo ciwanên me hemûyan û hewl bidin wek Kak Koçer serkeftinê ji aliyê xwendin û zanistê de navê gelê xwe bilind bikin.
Mesûd Barzanî
02.08.2018”
817
