Efrîn .. Erebên di malên Kurdan de bi cih bûne ne razîne ji malên Kurdan derkevin
Derbiderên Ereb yên li gor rêkeftinên welatên bihêz ji deverên xwe li Xûteya Rojhilat û Hims û Idlibê li gund û navçeyên Efrînê bi cih bûne xwepêşandanek ne razîbûnê li navçeya Mabeta ya Efrînê lidarxist û beşdaran xwestin ji malên Kurdan dernekevin.
Piştî ku hikûmeta Turkiyê û berpirsên wan li Efrînê û Encûmenên Xwecihî biryar da derbiderên Efrînê yên li şûna Kurdan de bi cih bûne û bi taybet dema Kurd vedgerin malên xwe malan bi cih dihêlin û derdikevin nexasim li navçeya Mabeta ku biryara bicihhiştina 50 malan hatiye der derbederên Ereb li Mabeta ne razîbûna xwe dane xuyakirin û ne xwestin ji malên Kurdan derkevin.
Roja înê 27/7/\2018an derbiderên Ereb yên li malên Kurdan de li navçeya Mabeta bi cih bûne xwepêşandanek li dijî biryara bichiştina wan ji malên Kurdan de û çûna wan nav kampan de lidarxist.
Li gor agahî û zaniyariyan ku kesên di xwepêşandanê de beşdar bûne xelkê Xûteya Rojhilat ya şama paytexta Sûriyê û xelkê Himsê û hin deverên din bûn û dirûşim û siloganên wan ew bû ku ew dernakevin û çend caran ewê werin derxistin.
Ji dema ku şer li Efrînê sist û lawaz bûye malbatên Kurd yên Efrînê hewildan ji deverên derbideriyê derkevin û vegerin malên xwe lê ew yek ji aliyê her yek ji artêşa Turkiyê û girûpên çekdar û çekdarên PYDê û milîsyên Nibil û Zehrayê rêgirî ji wan re hate kirin û li hember wê derfet ji xelkê Ereb re hate vekirin da ku di cihên Kurdan de bi cihûmal bibin û beşek biçûk di nav kampan de man lewma naxwazin ji malan derkevin û di kampan de bijîn .
895
