Efrîn .. Agirek bihêz bi çiyayê Hawarê ket

ARK NEWS.. Agirek ji aliyê kesin nenas ve li zincîra çiyayê Hawar ya Efrîmê hate vêxistin û ziyanek mezin giheşt darên çiya û darên nêzîkî çiyayên gundên navçeya Raco .

Li gor zanyariyên bi destê ARKê ketine ku roja Duşemê 23\7\2018 agirek bi çiyayê Hawarê û bi taybet li gundê Çiya yê navçeya Raco ket û ji gurbûna agir ew agir giheşt cihên din û ji ber ku riyên wê deverê asê, bilind û zehmet in tîmên berpirs nikarîbûn xwe bighînin wan deveran da ku agir vemrînin .

Li navçeya şiyê jî çiyayê navbera gundê Erendê û Tirmîşo di heman roja 23\7\2018an agir bi darên çiya ket ku ji aliyê tîmên berevaniya sivîlan û xelkê gund hate vemirandin.

Roja şemiyê 21\7\2018an daristana gundê Omera hate şewitandin û tevî tîmên agirvemirandinê yên encûmena xwecihî ya şera xwe gihandin cihê şewatê lê nikarîbûn wî agirî vemrînin ji ber ku agir beşek mezin li xwe girtibû .

Li gundê Mersawa agir bi zeviyek darên zeytûnan ket ku 1200 dar têde ne û beriya ku ew agir were vemirandin beşek ji darên zeytûnan rastî ziyanê hatibûn.

Li gor welatiyên Efrînê ku girûpên çekdar bi karê şewtandina dar û zevî û daristan û çiyayên Efrînê radibin û jêderên taybet ragihandine û tekez kirine û mebest jê gelek in wek veguhestina wan cihan bo seyrangeh û xweringehan bi taybet gundê Meydankê û Gemrokê herwiha sûd ji dar û êzingan di werzê zividtanê de bibînin.

Û ya herî girîng ku bi şewtandina çiya û daristanan radibin da ku endamên PYDê yên berpirsan li çiyayê Efrînê de li şûn xwe hiştine û berev Helebê reviyane xelasbin,

Û herdem banga welatiyên Efrînê ewe ku sînorek ji wan re were dayîn û jîngeh û daristanên Efrînê were parstin.

1011