حهسهن صالح: ئۆپۆزسيۆن دهرگهههكه ژبۆ كوردان
جيگرێ سهكرهتهرێ پارتيا يهكيتي يا كورد ل سووريێ, حهسهن صالح گۆت كو ئۆپۆزسيۆن دهرگهههكه ژبۆ كوردان و دڤێ بهتر گوهدان ب پرسێن ئۆپۆزسيۆنێ بێ كرن.
د بهشداريهكه خوه د بولتهنا ئاركێ ده, دوه رۆژا سێشهمێ 06.11.2018 صالح گۆت كو وان د جڤينا كۆميتهيا ناڤهندي يا پارتيا خوه ده كو لههولێرا پايتهختا كوردستانێ هات لدارخستن, تكهزي ل سهر گوهدانهكه بهتر ب پرسێن ئۆپۆزسيۆنا سووريێ كرن, و ئهو دبينن كو ئۆپۆزسيۆن دهرگهههكه ژبۆ كوردان ژبۆ ڤهگوههستنا پرسا كوردي ل سووريێ ژبۆ جڤاكا ناڤدهولهتي و بهرهڤانيێ دبهر ده.
صالح ههروهها گۆت دڤێ نوونهرێن ئهنجومهنا نشتيماني يا كوردي ل سووريێ كارێ خوه دناڤا ئۆپۆزسيۆنێ ده بهتر بكن, و ئهوێ داخواز ژ كوالسيۆنا نشتيماني يا ئۆپۆزسيۆنا سووريێ و دهستهيا دانوستانكار بكن كو بهلگهنامهيا ناڤبهرا ئهنهكهسه و كوالسيۆنێ ده بهرچاڤ ببن, و ههولا پێشخستنا وێ بهلگهنامهيێ بكن.
بهلگهنامهيا ناڤبهرا ئهنجومهنا نشتيماني يا كوردي ل سووريێ و كوالسيۆنا نشتيماني يا ئۆپۆزسيۆنا سووريێ د 27.08.2013ان ده هاته ئمزهكرن, ژ 16 خالان پێك تێ, د داويا بهلگهنامهيێ ده هاتيه كو "ئهنجومهنا نشتيماني يا كوردي ل سووريێ ژ بهندهكه خالا سێيان نهرازيه كو دبێژه ( سيستهما نهناڤهنديا رێڤهبهري ژبۆ سووريێ لگۆري بهێزكرنا دهستهلاتێن خوهجهي) و دبينه كو باشترين شێوه ژبۆ دهولهتا سووريێ شێوهيێ دهولهتهكه فدرالي يه, و ئهنهكهسه دێ لسهر بجيكرنا وێ يهكێ كار بكه"
