سه‌رۆك بارزانى : ئە‌ز وان تلیان ماچ دكم كو ده‌نگ دانه سه‌رخوه‌بوونا كوردستانێ
سه‌رۆك بارزانی د به‌شداریا متینگا پارتیا ده‌مۆكراتا كوردستانێ ده ل هه‌وولێرێ گۆت كو ب چه‌ك و ئاگر ت پرسگرێك نایێ چاره‌سه‌ركرن.پرسگرێكا كورد ته‌نێ د رێیا دیالۆگێ ده چاره‌سه‌ر دبه. و گۆت ژى ئە‌ز وان تلیان ماچ دكم كو ده‌نگ دانه سه‌رخوه‌بوونا كوردستانێ ....ر عه‌لى
.........................................
سه‌رۆك مه‌سعوود بارزانی راگهاند كو ئەوو وان تلیێن كو د ره‌فه‌راندوما بيت و پێنجێ ئیلۆنا دو هه‌زار و حژده‌هان ده یا سه‌رخوه‌بوونا كوردستانێ ده ده‌نگ دانه سه‌رخوه‌بوونێ ماچ دكه و گۆت ژى “گه‌لێ مه تاوانه‌ك نه‌كر ده‌ما كو گۆت ئەوو دخوازه چاوا بژی ..دخوه‌ستن ئیراده و كه‌رامه‌تا مه بشكینن, له‌ووما مه بریار دا كو ئەم بمرن لێ ئیراده و كه‌رامه‌تا مه نه‌شكه...
سه‌رۆك مه‌سوود بارزانی دوه ل هه‌ولێرێ به‌شداری ئاهنگا پشته‌ڤانيا كانديدێن پارتیا ده‌مۆكراتا ئا كوردستانێ (پدك) بۆ پارله‌مه‌نتۆيا هه‌رێما كوردستانێ بوو
كو ل له‌يستكگه‌ها فرانسۆ حه‌ڕیرى ئه‌نجام دا و گۆتاره‌ك پێشكێش كر و گۆت: “د ڤێ رۆژا پیرۆز ده, پار وه‌ك ئیرۆ وه ب ده‌نگێ خوه ل سه‌ر چاره‌نڤيسا خوه بریار دا.
ئە‌ز وان تلیێن كو د وێ رۆژێ ده ده‌نگ دانه سه‌رخوه‌بوونا كوردستانێ ماچ دكم.”
سه‌رۆك بارزانی دیار كر كو مافێ هه‌ر گه‌لی یه ل سه‌ر چاره‌نڤيسا خوه بریارێ بده و وه‌ها ئاخفی: “مه ژی بریار ل سه‌ر چاره‌نڤيسا خوه دا, لێ مخابن ب خرابی ئەوو بریار هات شیرۆڤه‌كرن. پێویست بوو بهاتان ژ وه پرسكربانه : هوون چما داخوازا سه‌رخوه‌بوونێ دكن?
چما ل ده‌ردێ مه نه پرسين?
پشتی ئەو قاس ئەنفال, كۆمكوژی و سته‌مێ مه نه‌گۆت ئەم دێ یه‌كسه‌ر سه‌رخوه‌بوونێ رابگهینن.
ل شوونا كه‌سكووكارێن بوونا قوربانیێن كمیاباران و ئەنفالێ قه‌ره‌بوو بكن, لێ سزایێن گران ل سه‌ر سه‌پاندن.”
سه‌رۆك بارزانی ته‌كه‌ز كر كو ئەوو ت جاران ژ چارچۆڤه‌یا ده‌ستوورا بنگه‌هین ده‌رنه‌كه‌تنه و ئەگه‌ر خالێن ده‌ستوور و مافێن هه‌ڤبه‌ش بهاتا جیبجیكرن پرسگرێك نه‌دمان و وه‌ها به‌رده‌وامكر : “لێ مخابن هه‌موو رێ و ده‌ری ل مه گرتن. خوه‌ستن مه جه‌زا بكن. ..هه‌موو سینۆرێن مه گرتن و ئێریشێ مه كرن ..و خوه‌ستن كو ئیراده‌یا مه بشكينن,... لێ ئەم بێنه كوشتن ژی ئەم روومه‌ت و ئیراده‌یا خوه ژ ده‌ست نادن.”
د به‌شه‌كى دن ده ژ ئاخافتنا خوه .. سه‌رۆك بارزانی سپاسیا گه‌لێ كوردستانێ و پێشمه‌رگه كر و گۆت: “د ڤێ پێڤاژۆیێ ده دیسا ده‌ركه‌ت هۆلێ كو ب چه‌ك و ئاگر ت پرسگرێك نایێ چاره‌سه‌ركرن...پرسگرێكا كورد ته‌نێ د رێیا دیالۆگێ ده چاره‌سه‌ر دبه.
دڤێ پرسگرێك ب رێیا گۆفتووگۆ, لهه‌ڤگهیشتن و رێزگرتنێ بێنه چاره‌سه‌ركرن و ئەم ده‌ستێ ئاشتی و براتیێ درێژی هه‌ر كه‌سی دكن.
ئەم 100 سالێن دن ژی شه‌ر بكن.. رێیا چاره‌سه‌ریێ هه‌ر هه‌مان رێ یه و ب شه‌ر تو ئالی ب سه‌رناكه‌ڤه.”
ده‌ربارێ هلبژارتنێن 12ێ گولانێ یێن پارلامه‌نتۆیا عيراقێ ژی... سه‌رۆك مه‌سعوود بارزانی دیار كر كو په‌ده‌كه د هلبژارتنا ده بوویه پارتیا یه‌كه‌م و گۆت: “د هلبژارتنێ ده ده‌رفه‌ته‌كه نوو هاته ل پێش مه..... گه‌له‌ك كه‌سان دگۆت كو هلبژارتن دێ ببه داویا په‌ده‌كێ, لێ وه ب شیانا ته‌كۆشه‌ر كاری په‌ده‌كێ ل سه‌ر ئاستا عيراقێ بكن پارتیا یه‌كه‌م.
هات زانین كو په‌ده‌كێ گه‌له‌ك مه‌زن ە, كه‌س نكاره وێ تێك بده... ب راستی ترسا من هه‌بوو گه‌لێ عيراقێ دێ ده‌نگێ خوه بدن وان ئالیێن كو خوه‌ستن گه‌لێ كوردستانێ جه‌زا بكن و ب ئاوایه‌كی بهێز ده‌ربكه‌ڤن, لێ گه‌لێ عيراقێ كه‌سێن دژمناتیا كوردان كریه جه‌زا كر...سه‌رۆك بارزانى گۆت ژى : ئە‌ز سپاسیا هه‌موو نه‌ته‌وه‌یێن عيراقێ دكم."
سه‌رۆك بارزانی شیره‌تا باڤێ خوه يێ رێبه‌رێ گه‌لێ كورد نه‌مر مه‌له موسته‌فا بارزانی ببیر ئانی و گۆت: “جه‌نابێ بارزانی دگۆت, دبه كو شه‌رێ حكوومه‌تا بێ كرن لێ شه‌رێ د ناڤ مله‌تان ده تاوان و دژوون ە. حكوومه‌ت تێن و دچن لێ گه‌ل دمینن.
من هه‌ر تم گۆتیه كه‌سێن كو نه‌چار مانه هاتنه كوردستانێ دێ مێڤانێن مه بن هتا كو پرسگرێكا وان چاره‌سه‌ر ببه.”
به‌رێ خوه بدن صه‌ندۆقێ ده‌نگدانێ و ده‌نگ ب ليسته‌يا 185 بدن و دناڤ مه‌زنترين ئاهنگا جه‌ماورى ده گۆت خوه نه‌چه‌مينن
