Mabeta .. Navenda tendirustî  ya tekane rastî diziyê hat

Mabeta .. Navenda tendirustî ya tekane rastî diziyê hat

Jun 25 2018

Di 23ê meha Hizêranê de navenda tekane ya tendirustî li navenda navçeya Mabeta ji aliyê girûpên nenas ve hate dizîn û kelûpel û amêrên tendirûstî rastî ziyanek mezin hatin.

Perçe vîdyoek ji navenda tendirustî hatiye girtin û kopiyek gihişt ARKê têde ziyanek gehiştiye navendê . Azad Usman endamê Encûmena Xwecihî ya navenda bajarê Efrînê ji ARKê re tekez kir ku navend ji aliyê girûpine nenas ve hatiye dizîn û ta niha kesên pê rabûne ne eşker û xwiyane .

Li gor jêderên xwecihî ku her yek ji çekdarên Feyleq Elrihman û Elcebhe Elşamiye navenda Mabeta kontrol kirine ku hin çalakvan wî karî dixin stiwê wan girûpan de ji ber ku ew berpirs di ber dabînkirina aramî û ewlahiya wê navçeyê dibînin .

Ji aliyê xwe ve Waêl Elwan berdevkê ragihandina Feyleq Elrehman ji ARKê re got: Tu agahî û zaniyaryên min li ser vê mijarê tune ne û Feyleq Elrihman wek girûp tu têkilyên wê bi karûbarên sivîlan û bajêr re tune ne û li wir navenda polîsan heye û ew wek van karûbaran di şopîne û em destêwerdanê di dezgehên sivîlan û peywendiyên navbera Encûmena Xwecihî û polîsan de nakin .

Li himberî wî yekî tu daxwiyanî ji navendên polîsan yên berpirs di ber navenda Mabeta û Efrînê ta amedekirina vê raportê derneketî ye .
ŞÊXO EFRÎNÎ

661