Partiya Demuqrata Kurdistan - Sûriya pêşwaziya şandeke Pêşverû li Qamişlo kir
Partiya Demuqrata Kurdistan - Sûriya, duh 11ê Mijdara 2023yan, pêşwaziya şandeke Partiya Demokrata Pêşverû ya Kurd li Sûriyê li bajarê Qamişlo yê Rojavayê Kurdistanê kir.
Şand ji aliyê Mihemed Îsmaîl Sekreterê Partiya Demuqrata Kurdistan - Sûriya û Endamê Komîteya Navendî Nafî Ebdullah ve hat pêşwazîkirin.
Şanda Pêşverû bi serokatiya Dr. Selah Derwîş sekreterê Partiya Pêşverû ya Kurd li Sûriyê bû.
Herdu aliyan rewşa siyasî û aborî ya giştî li Sûriyê bi taybet rewşa deverên Kurdî gotûbêj kir.
Herweha, tekezî li ser bihêzbûna peywendiya biratî ya di navbera herdu aliyên bira de, yekxistina hewlên herdu partiyan û hemû aliyên siyasî yên Kurdî bo rûbirûbûna kêşeyên heyî yên siyasî û aborî kir.
Di dawiyê de, Şanda mêhvan spasiya Partiya Demuqrata Kurdistan - Sûriya li ser pêşkêşkirina pîrozbahiyan bi helkefta bidawîhatina karên kongera Pêşverû kir.
300
