7 roj in PDK-Sê di hilmeta piştevaniya ziyandîtiyên Cindirêsê de berdewam e
ARK NEWS... Partiya Demoqrata Kurdistan - Sûriya PDK-Sê di komkirina alîkariyan de bo ziyandîtiyên Efrîn û Cindirêsê berdewam e, îro 15ê Sibata 2023yan di roja xwe ya 7an de ye.
Ji dema ku serkidayetiya PDK-Sê li Herêma Kurdistanê banga komkirina alîkariyan bo ziyandîtiyên Efrînê û Cindirêsê daye, ta niha hilmetên komkirina alîkariyan li Hewlêr, Duhok, û Ewropayê berdewam dikin.
Partiya Demoqrata Kurdistan - Sûriya li Hewlêrê serbarî yên li parêzgeha Duhokê pêşwazî li bexşînerên zîyandîtiyên erdheja Efrîn Cindirêsê li Rojavayê Kurdistanê dikin.
Li gorî nûçegîhanê me daye zanîn ku rojane hejmarek mezin ji pexşîneran berê xwe didin nivîsgehên PDK-Sê da ku bi hawara zîyandîtiyên Efrînê û Cindirêsê ve biçin.
Îro jî li gorî nûçegîhanê me gotiye ku li Hewlêrê li nivîsgeha Rêxistinî ya PDK-Sê hilmet berdewam dike û şênî berê xwe didin nivîsgehê da ku alîkariyan bidin.
326
