Pirsin divê werin kirin

Pirsin divê werin kirin
Şoreş Efrînî

Di salvegera 4an ya komkujiya Kobanê de, hîn jî tu lêkolîn, vekolîn, û pirsîn ji aliyê PYDê ve ne hatiye kirin . Komkujiya ku di 25ê Hizêrana 2015an de, ji aliyê DAIŞê ve hatibû pêkanîn, tê de 600 kes ji Kurdên me navbera şehîd û birîndaran de ketin.

Bêgûman em nabêjin xeynî DAIŞê bi vî karî hovane rabûye, lê PYDê bi artêşa xwe li ku derê bû ?

Gelek pirs hene divê werin kirin :

Terorîstê Misrî yê ku ji aliyê xelkê ve hatibû girtin, kanî ye ?

Çawa DAIŞ li ser ewqas rêbendan re derbas bû ?

Laşê teroristan çima hatin şewitandin ?

Heval Hemze, û Êriş çima piştî komkujiyê winda bûn ?

Êrîşker û tawanbaran çawa bi Kurdî diaxivîn ? çawa kincên YPG û YPJê li xwe kiribûn, û silogan û diroşmên PKKê bilind dikirin ?

Çima hijmara qurbaniyan ta niha nehatiye ragihandin û belgekirin ?

Çima lêkolîn nehatiye vekirin ?

Çima nezelalî di mijarê de heye, û PYDê paşguh xistiye ?

Divê aliyên Kurdî xwe bilivînin, û doseya vê komkujiyê belav bikin, da ku lêkolîneke bêalî navdewletî were kirin, û malbatên pakrewanan werin qerebokirin .

Hezar silav li canê şehîdên me bin, bimire terorîstên DAIŞê .

Her bimîne Kurdistan, û bibe stiriyek di çavên dujmin û neyaran de.



Gotar bi tenê nerîna nivîskar nîşan dide

586