پشته‌ڤانيا هلمه‌تا ئه‌منستى يا ژ بۆ گرتييان به‌رده‌وامه
دبن دروشما خوه پێنج چركه‌يان ژبۆ گرتيان ڤالا بكه
هلمه‌ته‌كه پشته‌ڤانيا ره‌ڤاندى و گرتيێن د زندانێن په‌يه‌دێ و رێژمێ ده هاتيه به‌لاڤكرن
,...............
دبن دروشما خوه پێنج چركه‌يان ژبۆ گرتيان ڤالا بكه
هه‌ژماره‌ك مه‌زن ژ چالاكڤانێن كورد يێن رۆژئاڤايێ كوردستانێ ده‌ست بهلمه‌ته‌كه پشته‌ڤانيا ره‌ڤاندى و گرتيێن كورد يێن د زندانێن په‌يه‌دێ و رێژيما سووريێ ده كرنه
و هلمةتا رێخستنا ناڤده‌ووله‌تى ئه‌مه‌نستى به‌رده‌وام دكن
و هاشتاگه‌ك ب ڤێ مه‌به‌ستێ تێ به‌لاڤكرن و هه‌ر ده‌مژێره‌كێ به‌شدار بێهتر دبن
د وێ هاشتاگا كو چالاكڤانێن كورد ده به‌لاڤكريه هاتيه :
ببه ده‌نگێ كه‌سێن كو بێ ده‌نگ مانه و به‌شداريێ د گهاندنا ده‌نگێ وان بۆ هه‌مي جيهانێ ده بكه ببه به‌شه‌ك ژ پرۆسه‌يا ئازادى بۆ هه‌مى گرتيان و د شكاندنا قه‌يدێن وان ده و داخوازا ڤه‌كرنا پرسا گرتيان و ره‌ڤانديێن دبن زۆرێ ده به‌شدار به ژبه‌ر كو ئه‌وو ره‌ڤاندى و گرتى نه ته‌نێ هه‌ژمارن لێ به‌لێ ئه‌وو كه‌س ئه‌وون كو بێهترين كه‌س بوون به‌ره‌ڤاني د به‌ر دۆزا مه و ره‌وشتێن مه و پرسگرێكێن مه و چاره‌سه‌ركرنا وان و داخوازا مافێ مه كرنه ژبه‌ر وێ يه‌كێ پێويسته ئه‌م وان پشتگوهنه‌خن و وان ژبير نه‌كن و دڤێ ئه‌م ده‌نگێن وان ژ ندانان ده‌رخينن ده‌رڤه و بگهينن هه‌مى جيهانێ
هه‌ر دڤێ ده‌ربارێ ده ل باژارێ هاكن يێ ئه‌لمانيايێ رێخستنا لێبوورينا ناڤده‌ووله‌تى ئه‌منيستى چالاكيه‌ك ل جاده‌يا ئه‌لبێر فيلده‌ر يا ل قادا باژارێ هاكن يێ ئه‌لمانيايێ د پازده‌هێ مه‌هێ ده رۆژا شه‌ميێ ژ ده‌مژمێر نه‌هێ سبه‌هێ تا شه‌شێ ئێڤارێ لدار خستبوو و هه‌مى كه‌سێن خوه‌دى گرتى و ره‌ڤاندى ڤه‌خوندى ڤێ چالاكيێ كربوون
د و ێ چالاكيێ ده وێنه‌يێن هه‌مي گرتيان د ناڤ وان ده وێنه‌يێن هه‌ر دو سه‌ركرده‌يێن پارتيا ده‌موكراتا كوردستان سووريا به‌هزاد دۆرسه‌ن و عه‌بدولره‌حمان ئاپۆ وهه‌مى كادر و سه‌ركرده و ئاليگرێن ئه‌نجوومه‌نا نشتمانيا كورد ل سووريێ يێن گرتى و بنچاڤكرى د پێشانگه‌هه‌كێ ده دێ ب پاصا رێخستنا لێبوور ينا ناڤده‌ووله‌تى ڤه كرن و ل ناڤا باژێر و ب به‌شدايه‌كه جه‌ماوه‌رى ژ وه‌لاتيێن ئه‌لمان به‌رپرس مافدار و چالاكڤانێن د رێخستنێن مافێ مرۆڤان ده كاردكن هه‌ر وه‌ها ب به‌شداريا وه‌لاتيێن سووريێ يێن نشته‌جيێ ئه‌لمانيا پێشكێشكرن داكو ببه فشاره‌ك ل سه‌ر په‌يه‌دێ و رێژيمێ و ب ئاوايه‌كى بهێز پشته‌ڤانى و داخوازا سه‌ربه‌ست به‌ردانا هه‌مى گرتيان و ب پشته‌ڤانيه‌كه ئه‌وورۆپى و ناڤده‌ووله‌تى وه‌ره كرن
ته‌ڤى هه‌مى زاگۆنێن مافێ مرۆڤان يێن ناڤده‌ووله‌تى په‌يه‌دێ هين ژى بنپێكرنان ته‌نێ ل سه‌ر مله‌تێ كورد ل كوردستانا سوريٍێ ئه‌نجام دده و ب سه‌دان چالاكڤان و سياسه‌ت مه‌دار و ره‌ووشه‌نبير ب تايبه‌ت ئاليگرێن ئه‌نه‌كه‌سێ يێن كو هه‌مبه‌ر كريار و سياسه‌تێن وێ يێ شاش رابوونه ئانگۆ پر چالاك بوون گرتنه و چارنڤيسا وان نه‌دياره
