ئه‌ردۆگان: كێشه‌يا مه‌زن ژبۆ سووريێ رۆژهلاتێ فراتێ يه
پشتي رێكه‌فتنا رۆسي توركي ده‌ربارێ ئدلبێ, داخويانيێن هه‌ردوو ئاليان ده‌ربارێ ناڤچه و بابه‌تنه دن ژي نێزيكي هه‌ڤ دبن, هه‌ري داويێ ژي هه‌ر يه‌ك ژ رۆسيا و توركيا رۆژهلاتێ چه‌مێ فراتێ كو ب سه‌رپه‌ره‌شتيا ئه‌مه‌ريكايێ يه ب مه‌ترسي و كێشه‌يا مه‌زن ل سه‌ر پێشه‌رۆژا سووريێ بناڤ دكن.
د كۆنگره‌كي رۆژنامه‌ڤاني ده ئيرۆ ل بالافرخانه‌يا ئه‌تاتۆرك يا ئسته‌نبۆلێ به‌ريا كو بچه ئه‌مه‌ريكا داكو د جڤينێن كۆمه‌له‌يا گشتي يا نه‌ته‌وێن يه‌كگرتي ده به‌شدار به, سه‌رۆكێ توركيێ ره‌جه‌ب ته‌يب ئه‌ردۆگان, گۆت كو كێشه‌يا مه‌زن ژبۆ پێشه‌رۆژا سووريێ چراڤا ته‌رۆريست يا ل رۆژهلاتێ فراتێ ب سه‌رپه‌ره‌شتيا هن هه‌ڤپه‌يمانێن توركيايێ يه وه‌كه ئاماژه ب ناڤچه‌يێن دبن كۆنترۆلا په‌يه‌دێ ده.
وه‌زیرێ ده‌رڤه یێ رۆسیێ ژي سێرگی لاڤرۆف رۆژا بيست و يه‌كێ ڤێ مه‌هێ راگهاندبوو كو رۆژهلاتێ چه‌مێ فراتێ مه‌ترسیا هه‌ري مه‌زنه یا لسه‌ر یه‌كیتیا خاكا سووریێ و ئه‌و به‌رده‌وام داخواز ژ ئه‌مه‌ریكایێ دكن كو چالاكیێن خوه راوه‌ستینه.
لاڤرۆف هه‌روه‌ها گۆتبوو ل ژێر سه‌رپه‌ره‌شتیا ویلایه‌تێن یه‌كگرتی یێن ئه‌مه‌ریكایێ هه‌یكه‌لێن خوه‌دی ده‌ستهلاته‌كه خوه‌سه‌ر تێنه ئاڤاكرن, و ته‌كه‌ز كر كو وه‌لاتێ وی به‌ریا نها ژی و به‌رده‌وام داخواز ژ ئه‌مه‌ریكایێ دكه كو وان چالاكیێن خوه یێن نه‌ره‌وایی راوه‌ستینه.
نيزيكبوونا داخويانيێن رۆسيا و توركيا هه‌ڤده‌می وێ یه‌كێ تێ كو هه‌ردوو وه‌لاتێن ناڤبۆي هه‌بوون و هه‌ماهه‌نگیا خوه یا دبلۆماتكاری ل سووریێ بهێزتركرنه و ژبۆ ئدلبێ ژی لهه‌ڤكرنه, د به‌رامبه‌ر ده ل رۆژهلاتێ چه‌مێ فراتێ ته‌ڤی هه‌بوونا ئه‌مریكی یا له‌شكه‌ری لێ تا نها تو ئعترافه‌كه ناڤخوه یان هه‌رێمی یان ناڤده‌وه‌لتی ب رێڤه‌بریێن په‌یه‌دێ نه‌هاتیه كرن, ئه‌مه‌ریكا ب خوه ژی داخویانیێن جودا جودا سه‌رباره‌تی مان یان ده‌ركه‌تنا خوه ژ سووریێ ده‌ردخه.
