ل باژارێ قامشلۆ ئه‌نه‌كه‌سێ جڤينا خوه يا گشتى لدارخست
د جڤينه‌كه گشتى ده كو ئەنجوومەنا نشتیمانی یا كورد ل سووریێ ل باژارێ قامشلۆ ل دارخست بنپێكرنێن گرووپێن چه‌كدار ل عه‌فرينێ هه‌ر وه‌ها بنپێكرنێن په‌يه‌دێ ده‌ربارێ مله‌تێ كورد ل كوردستانا سووريا گۆتووبێژكرن ..سه‌ربارى كو ئه‌نه‌كه‌سێ بانگ ل هه‌ڤپه‌يمانيا نشتيماني يا ئۆپۆزسيۆنا سووريێ كر كو رێزێ ل به‌لگه‌نامه‌يا هه‌ڤبه‌ش يا ب ئه‌نه‌كه‌سه ره بگره .....ر عه‌لى عومه‌ر
ب ئامادەبوونا سەرۆكێ ئەنجوومەنا نشتیمانی یا كورد ل سووریێ سعود الملا وئەندامێن دەستەیا سەرۆكاتیا ئەنەكەسە و پێنجى و نه‌ه ئه‌ندامان ژ كۆكا هه‌شتێ و سسيان جڤینا گشتی یا ئەنجوومەنا نشتیمانی یا كورد ل سووریێ ل باژارێ قامشلۆ هاتە ل دارخستن بێ كو نوونه‌رێن باژارێ عه‌فرينێ وپارتێن ژ هه‌ڤ ڤه‌قه‌تياى ئاماده ببن جڤين برێ ڤه چوو
د ده‌تپێكا جڤينێ ده راپۆرتا سياسى هاته خوه‌ندن و د ناڤبه‌را به‌شداران ده ب هورگولى هاته گه‌نگه‌شه‌كرن ..هه‌ر وه‌ها د جڤینێ دە مژارێن سیاسەتا ئەنجوومەنا نشتیمانی یا كورد ل سووریێ ل سەر ئاستا دەرڤە ونافخۆیێ وكارێ رێخستنی هاتە نەرخاندن و رێكه‌فتنا ئيدلبێ و پێوه‌ندێن ئه‌نه‌كه‌سێ ل گه‌ل ئيتلافا نشتمانى ومافێ كوردان د ده‌ستوورا سوورى يا نوو ده هاتن گۆتووبێژكرن
فه‌سله یووسف ئه‌نداما ده‌سته‌یا سه‌رۆكاتیا ئه‌نجومه‌نا نشتیمانیا كوردی ل سووریێ دلخوه‌شیا ئه‌نه‌كه‌سه ژ رێكه‌فتنا رۆسی توركی ده‌ربارێ ئدلبێ نیشان دا و گۆت ژبه‌ر وێ رێكه‌فتنێ مه‌ترسی ژبۆ هاتنا ده‌ربه‌ده‌رێن ئدلبێ ژبۆ عه‌فرینێ راوه‌ستیا
يووسف د لێدوانه‌كه تايبه‌ت ده گۆت ئه‌نه‌كه‌سه بانگ ل هه‌ڤپه‌يمانيا نشتيماني يا ئۆپۆزسيۆنا سووريێ دكه رێزێ ل به‌لگه‌نامه‌يا هه‌ڤبه‌ش يا ب ئه‌نه‌كه‌سه ره بگره....هه‌ڤديتن
سه‌بري
سه‌ركرده‌يا كورد فه‌سلا يووسف د لێدوانا خوه ده راگهاند كو د وێ جڤينێ ده پرۆگرامه‌كى گه‌له‌كى گرنگ د وارێن سياسى و رێخستني ده ل پێشيا وان بوو
هه‌ر وه‌ها ته‌كز كر كو ئه‌نجومه‌نا نشتمانى يا كوردى ب چاره‌سه‌ريا سياسي يا پرسگرێكا سوورى ره يه و ئه‌نه‌كه‌سێ ته‌كه‌ز دكه كو دڤێ مافێ گه‌لێ كورد د ده‌ستوورا سووري يا نوو ده و د رێيا كۆميتا ده‌ستوورى يا سووري ره وه‌ره جيبجكرن و قزنجكرن
يووسف ئاماژه ب ئاڤاكرنا كۆنگره‌يێ چاران يێ ئه‌نه‌كه‌سێ كر و گۆت كو ئه‌گه‌ر ره‌ووش ئاليكار به و تو ئاسته‌نگى ل پێشيا وان نه‌ين كرن د ده‌مه‌كه نێزيك ده دێ كۆنگره وه‌ره لدارخستن
ل گۆر ژێده‌ره‌كه دن ژ ناڤا جڤينا ئه‌نه‌كه‌سێ ئه‌نجومه‌نێ بريار دايه ل گه‌ل سه‌ركردايه‌تيا هێزێن ئه‌مه‌ريكى ل كوردستان سووريێ بجڤه و پێوه‌نديان ل گه‌ل وان بكه داكو فشارێ ل سه‌ر په‌يه‌دێ بكن و بنپێكرنێن په‌يه‌دێ ده‌ربارێ ته‌ڤگه‌را كوردى و مله‌تێ كورد راوه‌ستينن
هه‌ر وه‌ها د جڤينێ ده بريارهاتيه ستاندن دێ ژ ئه‌نجومه‌نێن خوه‌جه‌هێ يێن ئه‌نه‌كه‌سێ وه‌ره خوه‌ستن كو ب چالاكى و وخه‌نيشاندانان دژى گروپێن چه‌كدار يێن ل عه‌فرينێ بنپێكرنان دكن هر وه‌ها بنپێكرنێن په‌يه‌دێ رابن
