فهسله يووسف: ئهم بانك ل كوالسيۆنێ دكن رێزێ ل بهلگهنامهيا ههڤبهش يا ب ئهنهكهسه ره بگره
فهسله یووسف ئهنداما دهستهیا سهرۆكاتیا ئهنجومهنا نشتیمانیا كوردی ل سووریێ دلخوهشیا ئهنهكهسه ژ رێكهفتنا رۆسی توركی دهربارێ ئدلبێ نیشان دا و گۆت ژبهر وێ رێكهفتنێ مهترسی ژبۆ هاتنا دهربهدهرێن ئدلبێ ژبۆ عهفرینێ راوهستیا.
د لێدوانهكه تایبهت ژبۆ ئاركێ پشتی جڤینا دوه یا بهرفرهه یا ئهنجومهنا نشتیمانی یا كوردی ل سووریێ, فهسله یووسف ئهنداما دهستهیا سهرۆكاتیا ئهنهكهسه گۆت وان د جڤینێ ده مژارنه رێخستنی و سیاسی گهنگهشهكرن.
ل سهر ئاستا سیاسی, یووسف گۆت كو رهوشا نها سووریێ تێ ره دهرباس دبه, رهوشا ئدلبێ و رێكهفتنا رۆسی توركی هات گهنگهشهكرن, و ئهنهكهسه ژی مینا جڤاكا ناڤدهوهلتی و ئۆپۆزسیۆن و دهستهیا دانوستانكار دلخوهشیا خوه ژ وێ رێكهفتنێ نیشان دا, و مهترسیا كو ل جهم ئهنهكهسه دهربارێ ئهگهرا هاتنا دهربهدهرێن ئدلبێ بۆ عهفرینێ ئهگهر شهر روودابا, نهما.
یووسف سهرباركر كو چارهسهركرنا پرسا ئدلبێ چارهسهركرنا بهشكی یه ژبۆ سووریێ, و ئهو وهكه ئهنجومهنا نشتیمانی ب چارهسهركرنا سیاسی ره نه ژبۆ تهڤاهیا سووریێ.
یووسف ئهشكهرهكر كو د جڤینا ئهنهكهسه ده بهحسا كۆمیتهیا دهستووری یا كو بریاره وهره ئاڤاكرن هات كرن و تهكهزی ل سهر بجیكرنا مافێ گهلێ كورد د سووریایا پێشهرۆژێ ده هات كرن.
یوسف بهحسا رهوشا نها ل عهفرینێ كر و گۆت ئهو كریارێن ل عهفرینێ كو ل سهر دهستێ گرووپێن چهكدار ڤه تێنه روودان, بتوندی شهرمهزار دكن و ئهوێ بانگ ل كوالسیۆنا نشتیمانی یا ئۆپۆزسیۆنا سووریێ بكن كو رێزێ ل بهلگهنامهیا ههڤبهش یا ناڤبهرا ئهنهكهسه و كوالسیۆنێ ده بگرن.