لاڤرۆف: رۆژهلاتێ فراتێ مهترسيا مهزنه لسهر يهكيتيا سووريێ
وهزیرێ دهرڤه یێ رۆسیێ راگهاند كو رۆژهلاتێ چهمێ فراتێ مهترسیا مهزنه یا لسهر یهكیتیا خاكا سووریێ و ئهو بهردهوام داخواز ژ ئهمهریكایێ دكن كو چالاكیێن خوه راوهستینه.
دوه د كۆنگرهكی رۆژنامهڤانی ده ل گهل ههڤشانێ خوه یێ بۆسنی ئگۆر تسرناداك, سێرگی لاڤرۆف وهزیرێ دهرڤه یێ رۆسیێ گۆت كو گهفا ههری مهزن يا ل سهر سهروهریا سووریێ و یهكیتیا وێ ژ رۆژهلاتێ فراتێ تێ.
لاڤرۆف ههروهها گۆت ل ژێر سهرپهرهشتیا ویلایهتێن یهكگرتی یێن ئهمهریكایێ ههیكهلێن خوهدی دهستهلاتهكه خوهسهر تێنه ئاڤاكرن, و تهكهز كر كو وهلاتێ وی بهریا نها ژی و بهردهوام داخواز ژ ئهمهریكایێ دكه كو وان چالاكیێن خوه یێن نهرهوایی راوهستینه.
بهریا نها ژی گهلهك جاران رۆسیا ههبوونا ئهمهریكا ل سووریێ ب نهرهوایی بناڤ كريه و دگۆت ههر ئالیێ كو نه برازیبوون و ههماههنگی ب رێژیما ئهسهد ره دهرباسی سووریێ بوویه, ههبوونا وی نهرهوایی یه و دڤێ ژ سووریێ دهركهڤه.
داخویانیا لاڤرۆڤ ههڤدهمی وێ یهكێ تێ كو رۆسیا و توركیێ ههبوون و ههماههنگیا خوه یا دبلۆماتكاری ل سووریێ بهێزتركرنه و ژبۆ ئدلبێ ژی لههڤكرنه, د بهرامبهر ده ل رۆژهلاتێ چهمێ فراتێ تهڤی ههبوونا ئهمریكی یا لهشكهری لێ تا نها تو ئعترافهكه ناڤخوه یان ههرێمی یان ناڤدهوهلتی ب رێڤهبریێن پهیهدێ نههاتیه كرن, ئهمهریكا ب خوه ژی داخویانیێن جودا جودا سهربارهتی مان یان دهركهتنا خوه ژ سووریێ دهردخه.