توركيا: نێزيك ده‌وريێن مه وێ لناڤا منبجێ بن
سه‌رۆكاتيا توركيا راگهاند كو نێزيك دێ جيبجيكرنا ده‌ووريه‌يێن هه‌ڤبه‌ش ل گه‌ل ئه‌مه‌ريكا ل منبجێ ده‌ست پێ بكه‌و ئه‌ووێ هه‌مى ده‌ڤه‌ران ل سووريێ و د ناڤ وان ده ده‌ڤه‌رێن ژێر كۆنترۆلا چه‌كدارێن يه‌په‌گێ يێن سه‌ر ب په‌يه‌دێ ڤه ژ ته‌رۆريستان پاك بكن.....ر عه‌لى
ئيبراهيم كالن به‌رده‌ڤكێ بناڤێ سه‌رۆكاتيا توركيا د كۆنگره‌يه‌كى رۆژنامه‌ڤانى ده رۆژا ئينێ راگهاند كو كار ل سه‌ر ده‌ووريه‌يێن هه‌ڤبه‌ش ل گه‌ل ئه‌مه‌ريكا ل منبجا سووري به‌ر ب داوى هات
ونێزيك دێ جيبجيكرنا وان ده‌ووريه‌يێن هه‌ڤبه‌ش ل منبجێ ده‌ست پێ بكه
كالن هه‌ر وه‌ها د به‌رده‌واميا راگهاندنا خوه ده ته‌كه‌زكر كو ئه‌ووێ هه‌مى ده‌ڤه‌ران ل سووريێ و د ناڤ وان ده ده‌ڤه‌رێن ژێر كۆنترۆلا چه‌كدارێن يه‌په‌گێ يێن سه‌ر ب په‌يه‌دێ ڤه ژ ته‌رۆريستان پاك بكن
به‌رده‌ڤكێ بناڤێ سه‌رۆكاتيا توركيا ئيبراهيم كالن سه‌رباركر كو نها به‌شێن پسپۆر ل توركيێ كار ل گه‌ل رووسيا د قادێ ده ده‌ربارێ جيبجيكرنا رێكه‌فتنا ئيدلبێ دكن سه‌ربارى كو توركيا پرۆسه‌يێن خوه بۆ بهێزكرنا خالێن چاڤدێريێ ل ئيدلبێ به‌رده‌وام دكه و ونها نيازا توركيێ تونيه كو خالێن خوه زێده‌تر بكه و داخواز ژ جڤاكا ناڤده‌ووله‌تى كر كو به‌شداريێ د پرۆسه‌يا سياسى ل لاسووريێ ده بكه
ژ ئاليه‌كى دن ڤه سه‌رۆكاتيا توركيا راگهاند كو سه‌رۆكێ توركيێ ره‌جه‌ب ته‌يب ئه‌ردۆغان دێ بيست وسێ تا بيست و حه‌فتێ ڤێ مه‌هێ سه‌ره‌دانا ئه‌مه‌ريكا بكه داكو به‌شداريێ د كارێن گه‌را كۆمه‌له‌يا گشتى يا نه‌ته‌وێن يه‌كگرتى ده بكه
كالن دا خويانى كو ئه‌ردۆگان دێ رۆژا بيست وچارێ ڤێ مه‌هێ به‌شداريێ د جڤينه‌كه ئاست بلند ده ده‌ربارێ كۆچبه‌ريێ به‌شداريێ بكه و برياره گۆتاره‌كێ ل پێشيا كۆمه‌له‌يا گشتى د بيست و پێنجێ مه‌هێ ده پێشكێش بكه
هه‌ر وه‌ها ده‌ربارێ كارێن گه‌را حه‌فتێ و سسيان يا كۆمه‌له‌يا گشتى يا نه‌ته‌وێن يه‌كگرتى برياره سه‌رۆكێ توركيێ هه‌ژماره‌ك هه‌ڤديتنێن دو ئالى ل گه‌ل ئه‌نتۆنيۆ گۆتێرس ئه‌ميندارێ گشتى يێ نه‌ته‌وێن يه‌كگرتى و هن وه‌لات و حكوومه‌تان ئه‌نجام بده لێ ده‌ربارێ جڤينا ئه‌ردۆگان ل گه‌ل دۆنالد ترامپ هين ئه‌ڤ يه‌ك زه‌لال نه‌بوويه
