7 سال سه‌ر شه‌هیدبوونا سه‌ركرده نصرالدین برهك ره ده‌رباس دبن
آرك نيوز .. 7 سال ل سه‌ر شه‌هیدبوونا نصرالدین برهك ئه‌ندامێ پۆلیبیرۆیا پارتیا ده‌مۆقراتا كوردستان – سوریا ده‌رباس دبن كو ل هه‌رێمه‌كه ناڤبه‌را گركێ لگێ و دێریكا رۆژئاڤایێ كوردستانێ ژ ئالیێ كه‌سن نه‌ناس ڤه هاته گوله‌بارانكرن .
د رۆژا دوشه‌مێ 13/2/2012 شه‌هید نصرالدین برهك ژ ئالیێ گرووپه‌ك نه‌ناس ڤه هاته گوله‌بارانكرن ژبۆ نه‌خوشخانه‌یا نور یا قامشلۆ هاته ڤه‌گوهه‌ستن لێ ژ به‌ر گرانبوونا برینێن وی ژبۆ نه‌خوه‌شخانه‌یا مارتینی ل حه‌له‌بێ هاته ڤه‌گوهه‌ستن ته‌ڤی كو ژێره چه‌ند نه‌شته‌رگه‌ری هاتن كرن لێ ژ به‌ر برینێن خوه د 22/2/2012 ژیانا خوه ژ ده‌ست دا شه‌هید بوو.
شه‌هید نصرالدین برهك ل گوندێ كه‌ڤرێ ده‌نا یێ سه‌ر ب چل ئاغا ل هه‌رێما ئالیان یا رۆژئاڤایێ كوردستانێ سالا 1960ی ده ژ دایكبوویه ، وخوه‌ندنا خوه یا سه‌ره‌تای وناڤه‌ندی ل چل ئاغا خوه‌ند و یا ئامه‌دایی ل باژارێ حه‌سه‌كێ به‌رده‌وام كر ، ول دێره‌زۆرێ باوه‌رنامه‌یا په‌یمانگه‌ها پێشه‌سازی به‌شێ ئه‌لكتریكێ ب ده‌ست خوه ڤه خست .
د ده‌سپێكا جوانیێا خوه ده ته‌ڤلی پارتیا ده‌مۆقراتا كوردی ل سووریێ البارتی بوو ، د گه‌له‌ك رێخستنان ده به‌شدار كرن ، ود گومیتێن پارتی ده كار كربوو تا كو 1998 بوو ئه‌ندامێ پۆلیتبیرۆیا پارتی .
ب دلپاكی و دلسۆزی ل سه‌ر رێبازا بارزانیێ نه‌مر خزمه‌تا دۆز وگه‌لێ خوه دكر له‌وما راستی گه‌له‌ك ئاسته‌نگی ورێگرییان دهات ، د راپه‌رینا 2004ان ده هاته بنچاڤكرن ، هه‌روه‌ها سالا 2009ان ژ ئالیێ رێژیما ئه‌سه‌د ڤه هاته بنچاڤكرن لێ ئه‌و یه‌ك باندۆر ل سه‌ر ڤین وخه‌بات وی نه‌كر .
د 13 سباتا 2012 ان ژ ئالیێ كه‌سن نه‌ناس ڤه هاته گوله‌بارانكرن ود 22 هه‌مان هه‌یڤێ و سالێ شه‌هید نصر الدین برهك باڤێ علاء شه‌هید بوو و ب به‌شدارییه‌كه مه‌زن ژ خه‌لكێ رۆژئاڤایێ كوردستانێ ل گوندێ خوه ل گه‌ڤرێ ده‌نا بخاك هاته سپارتن .
ش.ع
447
