هەسەدە داخوازێ ژ ئەمریكا دكە هێزێن خوە ڤەنەكشینە

آرك نيوز...پشتی كو هاتە زەلالكرن , ئەمریكا پشتی ب داوی هاتنا شەرێ داعشێ تو گرینگیێ نادە پەیەدە وتەڤایا هێزێن ب سەرڤە ویێن كو پەیەدە بەشەكە تێدە , بەرپرسیارێن پەیەدە وقەسەدە داخوازێ ژ ئەمریكا ووەلاتێن ئۆرۆپا دكن كو پشتا وان بەرنەدن .

مەزلووم كوبانی بەرپرسیارێ قەسەدە داخواز ژ هەڤپەیمانیا ناڤدەولەتی ل دژی داعشێ كو ئەمریكا سەرپەرشتیا وێ دكە كر كو ( 1000 هەتا 1500 ) سەربازێن خوە ل رۆژئاڤایێ كوردستانێ بهێلن پشتی ب داوی هاتنا شەرێ داعشێ .

هەروەها مەزلووم كووبانی گۆت كو ئەو هێڤی دكە كو ئەمریكا پرۆسەیا ڤەكشانا تەڤایا هێزێن خوە ژ سووریێ راوەستینە , وهێزەكە ئاسمانی وبەژایی ل رۆژئاڤایێ كوردستانێ بهێلە .

وەكە هاتە راگەهاندن كو هەڤپەیمانیا ناڤدەولەتی ل دژی داعشێ ب سەرۆكاتیا ئەمریكا ئەو داخوازا قەسەدە رەتكریە , وگوه نەدا وێ داخوازێ .

وژئالیێ خوەڤە ئالدار خەلیل د لێدوانەكێ دە ژ بۆ ئاژانسا فرانس پرێس یا فەرەنسی داخواز ژ وەلاتێن یەكیتیا ئۆرۆپا كر كو هێزەكی ل سەر سینوورێ رۆژئاڤایێ كوردستانێ بەلاڤ بكە ., ویان ژی ژ ئالیێ ئاسمان ڤە پشتەڤانیا وان بكە .

هەروەها خەلیل گۆت كو پێویستە ژ رووێ ئەخلاقی وسیاسی ڤە وەلاتێن یەكیتیا ئۆرۆپا پشتا پەیەدە بەرنەدن , وفەرەنسا كارە پێشنیازەكێ ژ بۆ ئەنجوومەنا ئاساییشا ناڤدەولەتی پێشكێش بكە داكو هێزێن ناڤدەولەتی ل سەر سینوورێ رۆژئاڤایێ كوردستانێ ب توركیا رە بەلاڤ بكە .

هەروەها ئالدار خەلیل گۆت ئەگەر وەلاتێن یەكیتیا ئۆرۆپا وئەمریكا پشتان وان بەردن , وی دەمی پەیەدە وێ روو ل شاما پایتەختا سووریا بكە , داكو ل گەل رژێما ئەسەد رێكەفتنێ بكە , وچەكدارێن رژێما ئەسەد سنوور بپارێزن .

ژ دەما كو دۆنالد ترامپ سەرۆكێ ئەمریكا بریارا ڤەكشانا هێزێن ئەمریكی ژ سووریێ راگەهاندیە , وپەیەدە كەتیە لڤ وتەڤگەرێ دە وروو ل تەڤایا ئالیان كریە داكو ب هانا وان ڤە وەرە , لێ تەڤایا داخواز وپرۆژەیێن كو پەیەدە پێشكێش كرنە ژ ئالیێ وان ئالیێن كو پەیەدە روو لێ كریە هاتنە رەتكرن .
ز.ح

846