مەكگوێرگ: هەژموونا ئەمەریكا د سووریێ دە ل همبەر رۆسێ نەمایە و داعش هێژی هەیە

شاندەیێ بەرێ یێ ئەمەریكا ژبۆ هەڤپەیمانییا ناڤدەولەتی ل دژی داعشێ ، بریت مەكگوێرگ ، راگهاندن رێخستنا تەرۆری داعش هێژی مایە وكارێ خوە دكە وئەمەریكا پشتی بریارا ڤەكشانا هێزێن وێ ژ سوورێ چ بلانەك دیار نینە وبریارا وێ دێ مەترسی و گەفا داعشێ ل سەر ناڤچەیێ بهێزترە بكە و هەلوێستا ئەمەریكا ل همبەر رۆسێ لاواز بكە.

مەكگوێرگ هەروها گۆت، تشتا كو هێزا ل سەر ماسەیان ددە مە ئەو هەبوونا مە ل سەر خاكا سووریێ یە وهەژموونا مەیە و مە هێزەكە مەزن د سووریی دە هەیە و مە نەخشەیا رێ ل سووریێ سازكربوو و ل پێشیا رۆسێ زەلال بوو كو نكارە وان هێلان دەرباس بكە .

مەكگورێرگ هەروها گۆت :"لەوما ئەم ل همبەر رۆسێ ل سووریی بهێزبوون و پشتی تێكبرنا داعش مە دكاریبوو ب رۆسان رە جڤات كریبان و دانووستاندن دەربارێ پێشەرۆژا سووریێ دە بكریان، دەما كوم ە ژ جیهانێ رە راگهاند ئەمێ ژ سووریێ ڤەكشن وێ چاخێ ئەم ل همبەر رۆسان لاواز دبن ل سووریێ."

ژبلی هەردو دەولەتێن زلهێز ل سووریێ ئانگو ئەمەریكا ورۆسیا گەلەك دەولەتێن هەرێمی دەستێن وان د چارەنڤیسا سووریێ دە هەیە و هەر یەك ل گۆر بەرژەوندی و ئەجنیدایێن خوە لڤ وتەڤگەرا خوە د سووریێ دە دكن و نها ژی مژارا گەرم د رۆژەڤا سیاسی یا سووریێ و هەرێمێ وجڤینێن ناڤدەولەتی دەرباری سووریێ ئەوە كو پێشنیارا پرۆژەیا چارەنڤیسا رۆژهلاتێ چەمێ فراتێ و ئاڤاكرنا ناڤچەیەكە ئارام كو مللەتێ دەڤەرێ ژ شەرەكی نوو بپارێزە .

د ڤێ پرۆژەیا ناڤچەیا ئارام دە ئەمەریكا پێشنیار كرییە و پشتەڤانە ب هەماهنگی ب توركێ رە و توركێ دخوازە ئەو ناڤچەیە دبن سەرپەرشتیا وێ دە بە لێ ئەمەریكا دخوازە ناڤچە ژ ئالیێ پێكهاتەێن دەڤەرێ بخوە ڤە وەرە رێڤەبرن ب ئاوایەكە نوو و هێزێن سەر ب ئالیێن سیاسی مینا پێشمەرگەین رۆژ و ئەنجومانا نشتیمانیا كوردی ل سووریێ رێڤەبەریا وی ناڤچەیێ بكن و پاراستنا وی دگەل هێزێن دن ژ پیكهاتەین دەڤەرێ بخوە بن .

ر.ع

621