جريدة كوردستان تسلط الضوء على الصراع في شرق الفرات و السيناريو المحتمل
ئارك نيوز.. روژنامهيا كوردستان د ههژمارا خوه يا نوده ههژمارا 599 د لاپهرا پێشي ده روني خستيه ل سهر رهوشا روژ ههلاتێ چهمێ فهراتێ و سيناريوێن كو ئهگهر ههنه وهرن ئهنجامدان كريه .
دروژنامهيێ ده هاتيه كو تەلڤهەڤییەك د كاغەز وكارنامەیێن دەربارێ رەوشا سووریێ دە، پشتی بریارا سەرۆكێ ئەمەریكا دۆنالد ترامپ، یا ڤەكشینا هیزێن ئەمەریكی ژ نشكیڤە، ژ بنگەهێن وان ل رۆژهلاتێ چەمێ فراتێ ل سووریێ، چ ژئالیێ رێژیمێ ڤە بە یان ژ ئالیێ دەولەتین تێكلدار ڤە بە، چی بوویە،
هەروها د ناڤا ئۆپۆزسیۆنێ و میلیسایێن چەكدار دە ژی، كو ل ناڤچەێن جودا جودا بلاڤ ببون و مفا ژ رەوشی وەرگرتن چ ژئالیێ لەشكەری ڤە بە یان ژی ژ ئالیێ دراڤی ڤە بە، لێ نها تەنی بژاردەیا كو ل پێشییا پەیەدێ ئەوە كو بەرڤە رێژیمێ هەرە داكو هەبوونا خوە بپارێزە ئەو ژی بەرۆڤاژی بەرژەوندی وداخواز و مافێن كوردانە یان هەر پیكهاتەیەكێ دن ل ناڤچەیێ بە، پەیوەندیێن پەیەدێ د دەستپێكێ دە ب رێژیمێ رە هەبوو، وپشتەڤانییەك لەشكەری ودراڤی ژ رێژیمێ وەرگرت، وئەو یەك ژی ل دژی خوەستەك وئیرادەیا هەموو پیكهاتەیێن دەڤەرێ بوو، وهەموو ئالیگرێن پەیەدێ كەسێن بەری دەستەك و سیخۆری ژ رێژیمێ رە كرن، لێ ئەو تێكلی هنەكی پاشدە ڤەگەرییا پشتی تێكلییا وان ب هیزێن ئەمەریكی د شەرێ دژی داعشێ دە، وهەروها پەیوەندیێ وێ ب رۆسیێ ورێژیما ئیرانێ رە ئەرینی بوو، ژ خوە تێكلی ب هێزێن كوردستانی ل باژارێ سلێمانێ رە ژی هەبوو، نها ژی، هەموو ئالی ئیدی باوەرییا وان ب پەیەدێ نەماییە.
د گوتارێ ده هاتيه كو ڤەكشینا ئەمەریكا وسا كر كو جارەكی دن ڤەگەرە همبێزا رێژیمێ، دا كو رێخوەشكەر بە كو رێژیم ڤەگەرە ناڤچەیێن كوردی ، وئەڤ یەك ژی مەترسیێ ل جەم پێكهاتەیێن دەڤەرێ چێ دكە، ژبەر كو رێژیم هێژی د رییا ئارتێش و دەزگەهیێن ئەولەكاریێ رە تێكلێ دكە و تۆلڤەدانێ دكە.
ئەو ژی مفایێ ژ هەبوونا رۆسیێ و پشتەڤانییا وێ د سووریێ دە وەردگرە و دا كو ل دژی گەفێن توركیێ راوەستە و نەهێلە دەرباسی باژارێ منبجێ و ناڤچەیێن كوردی ل سەر درێژاهییا سنۆر ببە ، كو بخوە ئەڤ یەك مەترسیەكێ د دلی مللەتێ مە وهەموو پێكهاتەیێن ناڤچەیێ دە دەردخە، ژبەر كو توركێ دگەل گرۆپێن چەكدار ئیریشی ناڤچەیان دكە، وئەو گرۆپ دێ ل دژی مللەتێ مە گەلەك تاوان و دزی و تالانكرن ، مینا كو ل عەفرینێ كرنە، وتوركیێ ژی نكاری بوو بدە دیاركرن كو ئەو تەنێ ل دژی پەكەكێ وپەیەدێ یە ، ونە ل دژی مللەتێ كورد ودۆزا كوردی یە.
د داویا گۆتاراێ ده هاتيه ، نیشانێ ئۆپەراسیۆنێن توركێ ل باژارێ منبجێ و گری سپی ب كێمانی ئەوە رێ ل پەیەدی بگرە و پشتەڤانێ ل سەر ببرە، لێ دەرباسبوونا وێ ژبۆ باژارێ گری شپی و كۆبانێ ، ئارمانجا وێ ڤەقەتاندنا ناڤچەیێن كوردستانا سووریێ ژ هەڤ و ل دژی هەبوونا كوردان ب تەمامی یە.
لێ سیناریۆیەكە هەیە ، كو ئەمەریكی هەولددە رۆلا خوە ل ناڤچەیێ زیدە تر بكە درییا ئانینا هێزنە عەرەبی ژ عەرەبستانا سعوودیێ و مسر و ئیماراتێ، دا كو جهێ هێزێن وان ل ناڤچەیێ بگرە، لێ ئەڤ سیناریۆنە هەموو رەوشێ ئالۆزتر دكە وكریزێ مەزنتر دكە ل ناڤچەیێ ودێ نهامەتەكە دن بە ل سەرێ مللەتێ مە و پێكهاتەێن ناڤچەێ بە كو دخوازن بخوە ب هەڤرە رێڤەبەرییا ناڤچەیێن خوە بكن ول ژێر چاڤدێریا ناڤدەولەتی و رێكەفتنێن سیاسی و ئیداری و لەشكەری كو هەموو ئالی تێدە بەژدار بە وبەرڤە چارەسەرییەكە سیاسی رزگاركەر بە وهێمنی وئارامی و ئازادیێ ل ناڤچەیێ دانین بكە .
z.h
772
